大坑必去人氣咖啡店合集！

大坑近年有不少咖啡店進駐，咖啡店自成一角，每逢週末都好多人去飲咖啡打卡朝聖。依家就推介三間必去嘅人氣咖啡店☕️😋👍🏻! 🤎 MUSE 其中一間大坑好hit嘅咖啡店係MUSE，佢係一間有兩層高嘅Cafe, 裝修係日系簡約文青風，以灰色水泥地牆身為主調，室內有大量綠色嘅植物，令成環境好清新同有文青感。地下仲有好靚嘅露天座位區，可以好chill 咁坐喺戶外欣賞風景同嘆啡。第二層有一張大長枱可以比好多朋友一齊聚。 MUSE呢間cafe 好舒服寫意😍☘️，食物質數好好，仲有好多brunch set 揀，係一間超寫意雙層嘅文青咖啡店！ 推介咖啡～Piccolo MUSE 📍大坑安庶庇街15-17號地舖 推介程度：❤️❤️❤️❤️❤️ 🤎 Oma Specialty Coffee Oma Specialty Coffee 係一間新開不久又受歡迎嘅cafe，每逢週末中午都坐滿人，人氣爆燈。咖啡店係簡單的工業風裝修，店前係大大的落地玻璃窗，大量光線照入店內好光猛，好舒服。Oma 嘅咖啡同新奧爾良烤卡彊雞腿都好出色，味道豐富多層次，大推介！😆 呢間咖啡店仲有佢哋出嘅自家炒嘅咖啡豆，如果鍾意飲佢地嘅咖啡可以買番屋企慢慢嘆！😋😋 推介咖啡～Flat White Oma Specialty Coffee 📍大坑浣紗街9號地舖 推介程度：❤️❤️❤️❤️❤️ 🤎 FINEPRINT FINEPRINT係其中一間食物同咖啡都好高質嘅cafe，佢好好味嘅Sourdough更加係必點之選。😋👍🏻 大坑嘅FINEPRINT係好有外國感覺又好chill，感受到小社區舒適嘅氛圍，令人好放鬆☺️😍！ 店舖裝修係工業風，用咗灰色喺地面同牆身，店內有大量玻璃窗，室內光線充足，好舒適。其中嘅必點推介 - Half and half， 係一款有兩種唔同口味嘅Sourdough多士，賣相好靚又好味！而Flat white咖啡更加香濃好飲！ 推介咖啡～ Flat White FINEPRINT 📍大坑蓮花街1號地舖 推介程度：❤️❤️❤️❤️❤️ #MUSE #Oma#FINEPRINT #MUSE #coffee #cafe#合集 #工業風#大坑咖啡 #大坑咖啡店 #嘆咖啡 #隱世 #日式#熱門菜式 #打卡 #攻略 #chill #週末 #下次要再食 #打卡熱點