今次同媽媽去淺水灣沙灘玩沙，玩到咁上下真係好肚餓 我哋揀左一間環境舒服愜意嘅意大利餐廳食野，食物同服務質素唔錯，大家有機會去淺水灣可以一試😁 布拉塔配意式烤麵包 Bruschetta Burrata 🧀 灸烤過嘅麵包放上奶油味濃郁嘅布拉塔、車厘茄、意大利黑醋，係開胃菜首選 意式水煮魚 Acqua Pazza 🐟 魚肉嫩滑鮮甜，每一啖都食到黑椒輕微嘅辣，橄欖同酸豆嘅鹹味同酸味，仲有火箭菜油(Rocket Oil)帶有嘅芝麻香，正😋 牛尾意大利雲吞Ox Tail Ravioli 🥟 煮得啱啱好好，皮薄餡靚，鎖到肉汁又唔會過份軟腍 醬汁用Cacio e Pepe, Gravy, Rocket Oil製成，同雲吞內餡嘅牛尾相輔相成，非常好味 Kaffir Orange Lemonita 🍋 -Fresh Orange Juice, Lavender Syrup, Lemon, Kaffir Leaf, Lime, Soda 加入薰衣草糖漿令Mocktail帶有少少花香味，而薰衣草具有降溫作用，紓解煩熱感令心情放鬆，呢杯飲品消暑一流 Amalfi 🍸 -Limoncello, Prosecco, Sodawater Limoncello檸檬利口酒加上Prosecco氣泡酒本身帶有果香，仲有輕微的礦物味道，餐前品嚐十分開胃 Homemade Rosemary Semifreddo🍨 我都係第一次食呢款意大利甜品- Semifreddo意式冰糕 外觀似雪糕，口感介乎雪糕同慕絲之間，Rosemary味好出，加埋餅底一齊食，真係好似食緊幼滑版嘅慕絲蛋糕咁 順帶一提，呢度主餐牌有中文版本，完全唔洗擔心點菜問題👍🏻👍🏻 Fratelli 📍地址：淺水灣海灘道28號The Pulse L1樓112B號舖 #西餐廳 #UCreator#打卡美食 #假期推介 #Foodie#淺水灣美食 #意大利菜