🌟餐廳:鮨山月 Sushi Yamatsuki

鮨山月堅持選用新鮮食材,每日由日本市場直接空運到港,餐廳設BAR枱位,可以同師傅直接交流,特別一讚師傅親切友善又有禮,每一道菜都會詳細介紹,我同好友都食得好開心👏🏻 🔹 鰹魚湯.蝦膏配瀨尿蝦肉.鮑魚.茶碗蒸 第一次試層次感咁豐富既茶碗蒸,鰹魚湯湯底鮮甜味美,配以蝦膏製成,味道特別香濃~瀨尿蝦啖啖肉好彈牙;鮑魚質地柔軟,清甜有嚼勁;茶碗蒸蛋香滑溜,口感細緻。 🔹 柚子大根漬 大根爽脆無渣帶甜味,配以柚子製成,散發柚子清香。 🔹 赤貝刺身.柚子酸汁.䔿菜 赤貝肉質爽甜柔軟,加入柚子酸汁,口味清新,伴碟仲有䔿菜,滑溜有口感。 🔹 櫻煮八爪魚 呈粉紅色既八爪魚經慢煮後肉質格外柔軟,鮮甜軟滑好入味。 🔹 紫菜包醬燒帆立貝 薄脆紫菜包裹醬燒帆立貝,肥美肉厚,燒至剛熟,簡單調味更能突顯其鮮甜味。 🔹 鹽燒太刀魚.青檸.蘿蔔蓉 太刀魚綿密細緻、油脂感豐富,經鹽燒散發魚油香氣,配青檸汁、蘿蔔蓉同食,有助解膩。 🍙石垣鯛 第一件壽司係石垣鯛,肉質爽脆具有彈性,魚身特別肥厚、油份充足。 🍙 白蝦 白蝦晶瑩剔透,彈牙鮮甜又爽口,啖啖細綿黏口。 🍙 赤魷魚 爽滑軟滑好Q軟、鮮味突出,口感獨特。 🍙 備長炭炭燒金目鯛 經炭燒後迫出魚油,突顯金目鯛魚脂豐腴濃郁,鮮甜可口。 🍙 小肌 小肌味道濃郁,口感細膩緊緻,食落微酸又帶點脆甜感。 🍙 時不知三文魚 時不知三文魚正值時令季節,入口軟嫩鮮香、肥嫩香潤,口感絕佳。 🍙 野生大拖羅 富天然魚油脂甘香,充滿精緻油花,入口即溶,魚味香濃。 🍙 池魚 味道清新淡雅且爽滑柔嫩,肉質緊實略帶油香。 🍙 BB銀鱈魚 帶豐腴油分,嫩滑唔膩口,魚肉細嫩,口感佳。 🍙 北海道根室海膽壽司 呈金黃色,味道甘甜濃郁,肥厚飽滿,食落滑順又creamy,令人回味無窮。 🔹 碎蔥吞拿魚腩手卷 吞拿魚腩蓉肉質軟綿,口感幼細香滑,脂香突出,夾雜蔥香更滋味。 🔹 熱湯 日本菇清湯濃香味美,食完咁多件壽召,暖胃一流~ 🔹 雪糕/咖啡 同好友雪糕及咖啡各一,今日係開心果味,雪糕濃郁細滑,再飲啖醇厚咖啡,超滿足!

地址
The L. Square
香港銅鑼灣駱克道459號
評分
4/5
下一篇載入中