福田一人一鍋粥底火鍋，性價比超高🌟🌟

🌟餐廳：#壹號粥火鍋·海鮮煲仔粥（ #水圍店） 📍地址：福田區金田路金怡華庭一樓 💰價位：～$100 - $200 ⏰營業時間：星期一至日11:00 – 00:00 📱電話：0755-23616590 又黎到超級寒冷既天氣，最佳節目就係北上歎返個暖笠笠既火鍋先💁🏻‍♀️朋友仔介紹我嚟到呢一間主打 #一人一鍋、豐儉由人既 #粥底火鍋✨ 壹號粥火鍋·海鮮煲仔粥✨性價比超級高，提供超過100款火鍋配料，加上近10款湯底，一人一鍋炮製出自己心儀嘅 #極品粥底火鍋🤟🏻 ——————————————————— 🔹火鍋醬料 火鍋醬料自助區配料選擇眾多，有齊辣椒油、蒜蓉、芹菜、沙茶醬、芝麻醬、陳醋、蔥花、芫茜、紅蔥頭醬油等等。特別推介紅蔥頭醬油，用上大量紅蔥頭煮製，香蔥味極濃，用嚟打邊爐啱晒！ ——————————————————— 🔹花膠雞鍋底 及 白粥鍋底 我同朋友仔各自叫咗一款鍋底！ 花膠鍋底湯頭金黃香濃，材料夠晒豐富，滿滿骨膠原，夠哂滋補！ 白粥鍋底米粒煮得夠晒綿滑，打邊爐嘅配料精華完美地滲透落粥底，臨尾嘆番碗簡直一絕！ ——————————————————— 🔹火鍋配料專區 提供超過100款火鍋配料，每份價錢由$6至$25不等，價錢超親民，鍾意食乜就拎乜，自由度十足！ 特別推介海鮮專區，各款新鮮生猛海鮮任君選擇，由店員在海鮮池取出，夠晒生猛，有齊瀨尿蝦、鮑魚、大蜆、花甲、貴妃蚌、基圍蝦、羅氏蝦及著名嘅湛江生蠔等等，超級多選擇！！朋友仔揀返幾款海鮮放入粥底，白粥底吸盡所有海鮮嘅鮮甜精華，超正！ 我就推介牛肉專區，各款即切新鮮牛肉一一供應，有齊吊龍、雪花牛肉、胸口油、牛舌等等，咁多款牛肉用嚟打邊爐冇得彈！ 除咗肉類及海鮮之外，更有多款丸類、蔬菜、魚片等等，仲有我最愛嘅鮮淮山、芋頭及栗子粒，款式選擇眾多，夠晒多元化，總有一款啱你心水！ ——————————————————— 😋味道：4/5 🏢環境：4/5 💁🏻‍♀️服務：4.5/5 💵價錢：4.5/5 🤟🏻性價比：4.5/5 ——————————————————— 👅整體小總結 極力推介呢一間一人一鍋嘅粥底火鍋專門店！ 無論火鍋配料數量、鍋底嘅選擇都夠晒出色！重點係一人一鍋，可以炮製出獨一無二口味嘅火鍋！ 值得一讚係無論選擇邊款湯底，最後仲可以叫店員加入麵或濃稠嘅白粥，索盡火鍋湯底嘅精華，夠晒滿足！店內亦張貼各款粥底嘅配搭教學，務求讓食客可以品嚐到鮮味香甜暖笠笠既粥底火鍋，大推！ #OK即刻有 #祝大家生日快樂#深圳美食#深圳攻略#UCreator#深圳探店#深圳打卡#深圳新店