箱根1日遊交通景點全攻略‼️附必買交通Pass

箱根去東京嘅熱門近郊景點，因為除咗可以睇到超震撼火山谷🌋，仲可以望到富士山🗻✌🏻 不過嚟遊箱根，當中要轉乘至少6種交通工具👀知道大家一定覺得好複雜不過為咗睇到靚景，絕對值得去啊！今次等我超詳盡逐步教大家一日遊玩盡箱根，仲教大家點樣玩先係最抵😎！ 大家記得睇埋Post嘅圖片會更加清晰，點對點介紹，而且有景點圖，大家欣賞埋箱根有幾靚😆！ 首先，我哋要由你嘅出發地前往小田原，去到箱根湯本♨️如果你嘅出發地係新宿嘅話可以直接坐小田急浪漫快線直達箱根湯本♨️ 嚟到箱根湯本♨️之後呢，交通就開始有少少複雜，我哋要坐箱根登山電車前往強羅。 到達強羅，轉坐箱根登山纜車前往早雲山。 到達早雲山，轉坐箱根空中纜車向上前往大涌谷🌋。途中會慢慢聞到硫磺味💨空中纜車經過火山谷，會慢慢見到硫磺噴口，煙霧彌漫，視覺超震撼(圖10)！ 上到嚟大涌谷，海拔1000米高。呢個地方係3,000年前火山爆發形成大涌谷，而帶來硫磺噴口同溫泉。一出到嚟見到呢個火山口好壯觀🥹喺呢個點可以識下黑色嘅蛋，黑色嘅雪糕，黑色嘅包😹再打卡埋黑色嘅蛋(圖11)📸嚟到呢個景點之後你可以買好多箱根嘅手信⭐️ 之後我哋出發下一個景點，由大涌谷坐返空中纜車往下方向去桃園台港🌄 到達桃園台港我哋會轉左海賊船🪝前往元箱根港。坐船嘅途中會經過蘆之湖，天氣好會見到一個超清晰超靚超近嘅富士山🗻(必須睇圖15)✨ 落船後，我哋可以去箱根神社，擁有1250年以上歷史。可以祈願勝利交通安全，開運結良緣🙏🏻 跟住再嚟到呢一個一定要打卡嘅景點：平和之鳥居⛩️，絕美水中鳥居🥹嚟到呢度真係覺得啱啱複雜嘅交通都唔係問題了，可以睇到靚景就不枉此行❤️不過大家要預咗影到(圖17)嘅靚相，係要排隊㗎，所以如果可以最好早啲到！ 最後回程啦，我哋可以喺元箱根港坐箱根登山巴士返回小田原。 箱根一日遊就完啦，睇到啲相係咪都好心動想即刻買機票飛東京呢🇯🇵 重點在最後‼️冇睇到真係走寶啦🤣就係嚟箱根玩一定要買箱根周遊券，有兩日券或者三日券(價錢在圖19)。不過幾多日都好，其實只要跟我上面行程遊箱根，轉乘多種交通工具，一日遊已經可以平¥1,220日圓(成人)所以真係超級抵🙌🏻 大家睇完留言話我聽鍾唔鍾意睇我嘅一日遊分享，鍾意嘅話之後再分享日本近郊攻略俾大家！🇯🇵 所以咁多位日本之友記得like+follow我啦🤪 可以睇埋我其他日本近郊分享 👉🏻 #日本近郊好去處 資料圖片來源: hakonenavi.jp, hakoneyumoto, japan.travel, odakyu.jp #東京近郊#東京自由行#東京旅遊#東京攻略#箱根#大涌谷#東京必去#東京景點#東京好去處#攻略#箱根周遊劵