🇭🇰【🎈銅鑼灣必食車仔麵😍!】

鍾意食車仔麵嘅你，千祈唔好錯過呢間車仔麵店😚！本店位於上環，而妹豬仔呢次就去咗銅鑼灣分店度食～店外經常排有人龍，極具人氣🙌🏻！但入座速度都快，等咗15分鐘左右就可以入座😆。 呢度嘅基本麵底選擇有6款，包括：油麵/幼麵/粗麵/河粉/米粉/米線 (HK$10/款)，另外亦可選擇伊麵/公仔麵 (另加HK$5/款)。 然後可以自選想食嘅車仔麵餸😋，價錢主要係HK$10/款或HK$12/款。另外亦有：淨炸魚皮 (HK$22)、淨雞翼尖 (HK$22)、淨豬頸肉(HK$35)、生菜/白菜 (HK$22)。 湯底方面，就緊係要腩汁🤤！再因應個人口味，可再加蔥。鍾意食辣嘅朋友，更可加埋麻辣醬/咖哩醬(辣度：小/中/大/加大)😉。 妹豬仔推介車仔麵餸： 🔸豬血：好入味，而且份量多。 🔸蘿蔔：好大舊、清甜冇渣。 🔸咖喱魚蛋：有3大粒，每粒有香濃咖喱味。 🔸雞中翼：2大隻滷水雞翼，十分入味！ 🔸蠔油冬菇：冬菇都大舊，同樣好入味。 🔸酸齋：有2大舊，甜酸度適中，十分醒胃！ 🔸豬頸肉：滷水豬頸肉2片，肉質唔柴而入味。 (其實本身仲想食埋五香牛腩，可惜當晚已經賣晒，有興趣嘅朋友可以試下～) 💡妹豬仔話你知💁🏻‍♀️～呢度入座設每位最低消費HK$40，食唔到咁多餸嘅朋友要留意返喇！ 💡妹豬仔再話你知💁🏻‍♀️～除咗上環同銅鑼灣，車仔麵店最近喺香港仔都開咗分店，南區朋友可以試下啊～ (以上價錢僅供參考，一切以餐廳為準) ➖➖➖➖➖➖➖➖ ➖➖ 📍麵尊 銅鑼灣登龍街18號V Point地下5號舖 ➖➖➖➖➖➖➖➖ ➖ 🔍✨妹豬仔👧🏻！ Welcome to 𝙁𝙤𝙡𝙡𝙤𝙬, 𝙇𝙞𝙠𝙚 & 𝙎𝙝𝙖𝙧𝙚 🤗～ 👉🏻 𝙄𝙣𝙨𝙩𝙖𝙜𝙧𝙖𝙢 : muichu.jai ❤️| 👉🏻 𝙊𝙥𝙚𝙣𝙍𝙞𝙘𝙚 <ʟᴠ.𝟹> : muichu.jai ❤️| 👉🏻 𝘿𝙞𝙖𝙣𝙥𝙞𝙣𝙜 <ʟᴠ.𝟻> : Muichu.jai ❤️| 👉🏻 𝙐 𝘽𝙡𝙤𝙜 : muichu.jai妹豬仔生活日常 ❤️| 👉🏻 𝙁𝙖𝙘𝙚𝙗𝙤𝙤𝙠 : muichu.jai ❤️| #muichujai妹豬仔周圍食 #香港美食 #銅鑼灣美食 #銅鑼灣車仔麵 #麵尊車仔麵 #麵尊 #車仔麵 #minjuncartnoodles #登龍街 #VPoint #港式美食 #上環美食 #香港仔美食 #cartnoodles#食評 #吃貨日記