浪漫巴黎鐵塔下午茶🗼

好耐冇食high tea喇，今次係Odelice!發現咗呢個以巴黎鐵塔🗼做主題嘅下午茶！價錢唔貴，$258兩位仲要包飲品，約咗好姊妹嚟打咭傾計chill下就啱哂！食物上枱後我哋瘋狂打咭一輪先開始食📸 🗼鐵塔上層 ▪️焦糖餅乾口味芝士蛋糕 ▪️士多啤梨迷你撻 ▪️紅桑子馬卡龍 ▪️榛子朱古力迷你撻 上層以甜點為主，迷你撻造型精緻，士多啤梨同榛子朱古力一樣好味！馬卡龍都係士多啤梨味，香甜好味！芝士蛋糕中間嘅醬係流心架 🗼鐵塔下層 ▪️吞拿魚他他迷你撻 ▪️煙三文魚蘸醬 ▪️炸黑松露蘑菇球 ▪️西班牙白毛豬火腿 ▪️法國鄉村凍肉醬多士 下層咸點同樣豐富～最鍾意炸黑松露蘑菇球，入面滿滿黑松露醬，口感外脆內軟！煙三文魚蘸醬配上香脆麵包條，好似手指餅咁點住食！其他食物都正常發揮，下午茶份量都好夠飽！ 🍴Odelice! (The ONE) 📍尖沙咀彌敦道100號The ONE 4樓L407號舖 #年輕肌gotcha#社群有辦髮#寵物大晒#求好旅友#Odelice