經典傳承糖水檔

話說同朋友喺佐敦食完飯, 轉個頭又話想食宵夜。咁小編梗係要一齊去睇下有咩好東西吃先啦😆，今次呢間鋪都算唔錯，都真係幾岩宵夜過嚟食。今次小編就試左以下既野啦🤓 🍲鴨腎菜乾豬骨粥 粥底本身都煮得幾綿，而且都幾足料 ，味道都幾濃，估唔到一間糖水舖會煮到呢個水準嘅豬骨粥，宵夜嚟講真係有啲驚喜喎👍🏻 🌶️XO醬炒蘿蔔糕 XO醬本身好惹味，而且帶少少辣，炒蘿蔔糕唔會一夾就散，外層幾香脆，而且仲要左啲芽菜鋪底，芽菜加埋XO 醬嘅味，相輔相成👅 🐤香辣雞軟骨 雞軟骨不得了啦，首先粒粒雞軟骨都大大粒，口感爽脆唔在講，炸粉漿仲調過味，加埋炸既時間同火候都控制得幾好，入口香脆，夠味同時又唔會充滿油膩感，呢個比外面嘅小食店更出色😆 🍮椰汁桃膠西米燉蛋白 大量既桃膠配埋西米真係好好味，加上啲燉蛋白入口甜度好好，夠甜之餘唔會太超過，小編食完之後覺得皮膚都靚咗，心情都開朗左😃 總括來講，本來諗住過嚟食糖水，估唔到其他宵夜小食都有驚喜，小編有機會都會再嚟試吓其他糖水先得😋 糖水檔1987 📍佐敦文匯街25號文景樓地下C號舖 港鐵柯士甸站 A 出口, 步行約4分鐘 #foodiehkcouple佐敦 #foodiehkcouple港式 #KTfoodie #hkfoodie#hkfoodies#foodiehk#foodhk#hkfood#hkfoods#hkfoodblogger#hongkongfoodies#hongkongfoodie#hkfoodlover#hongkongfood#foodiehk#香港美食#香港好去處#香港小店#週末好去處#夏日打卡日常#情侶好去處#香港美食指南#香港美食日記#香港美食#佐敦餐廳#佐敦好去處#佐敦美食#港式餐廳#甜蜜負荷#港式甜品#糖水檔1987#想去就去#龍重登場#2024美肌秘密#蛋糕#撻#窩夫#梳乎厘#PANCAKE#鬆餅#Dessert#UCreator#MOMENTSwithUCreator