有得食有得玩😍

今日同Friend黎將軍澳踩單車，佢重帶左我去打卡Cafe，就係Donki附近位置方便，門口見到餐牌已經好吸引，餐廳入面重有兩張大千秋椅 ，用嚟打卡真係一流，食物選擇都幾多，飲品一樣賣相好靚，心心眼想試晒全部，而且重有兩台帶住狗狗嚟嘢，鍾意狗狗既朋友黎到一定好開心 泡菜煙三文魚他他 配 酥炸脆球 外圍包住既係脆卜卜既脆球，入面食到濃郁既泡菜同埋三文魚粒，酸酸地特別開胃，可以再配埋個乳酪醬一齊食，味道既層次會更多 明太子海膽醬烤豬腩肉沾烏冬 材料極豐富，明太子海膽醬配烤豬腩肉之外，仲有半熟蛋、青瓜絲、紅蘿蔔絲，海膽香濃有鹹香，撈均勻後可減低醬汁嘅油膩感，兩個人每人都夠，鍾意佢地烏冬夠彈牙 士多啤梨奶昔奶蓋雪山 又靚又消暑，打卡一流既飲品，加上沙冰，今日咁熱飲完真係 芒果奶昔奶蓋雪山 飲落重奶香同芒果味濃厚，上面既奶蓋稍為漏左少少🤏最好就係同個奶昔攪拌好一齊飲，可能減輕罪惡感 韓國雜莓奶蓋瀑布奶油蛋糕配雪糕 好有儀式感呀，自己拎走塊膠膜，啲奶蓋瀑布式流落黎🥰