今晚去咗尖沙咀The One嘅Royal Inn，呢間餐廳每次經過見到佢哋啲裝橫都覺得好靚好吸引，每期都有唔同主題，有多個打卡位，特別係巴黎凱旋門，靚到呢！餐廳主打特色法餐料理及海鮮，今晚一於過嚟食好西😋 🍴法式龍蝦濃湯 $88 個湯賣相好靚，碟邊伴咗件粟米麵包脆，龍蝦味夠濃厚～so good 🍴意大利煙豬肉蕃茄意粉 $138 用咗煙豬腩肉條夠香口，肉質煙煙韌韌好有口感，配上偏酸嘅蕃茄醬同羅勒葉中和返，一啲都唔油膩👍🏻 🍴西班牙黑毛豬脊蓋柳 $248 用咗西班牙黑毛豬味道香濃，肉質軟身易入口，配上燒汁，味道唔錯。呢碟主菜嘅配菜一啲都唔馬虎，有椒、薯仔同西蘭花，吸晒黑毛豬啲汁，夠曬惹味！ 🍴朱古力布朗尼配雪糕 $68 朱古力布朗尼軟硬適中，配上果仁，好香口！加埋絕配嘅雪糕同忌廉，開心果碎同朱古力醬配碟～perfect match😋 🍴Green tea Latte $40 味道一般，有少少失色🫣 🍴Mixedberry smoothie $52 賣相一流！Smoothie好幼滑，唔會太甜，有粒粒苺籽同檸檬草，好fresh！忌廉略嫌唔夠奶香。 價錢 $697 味道 🌕🌕🌕🌕🌓 環境 🌕🌕🌕🌕🌕 服務 🌕🌕🌕🌕🌓 衛生 🌕🌕🌕🌕🌕 抵食 🌕🌕🌕🌕🌑 #社群試食RoyalINN #RoyalInn #尖沙咀美食 #打卡美食