假日嘅抵食燒肉set 😋

갈비궁 Galbi Gung (大圍) 大圍車公廟路18號圍方3樓331號舖 有日去咗大圍度搵嘢食，見到呢一間韓國菜好似好唔錯，而且見佢假日都有百幾蚊嘅lunch set，於是就入咗去試。 特選烤肉定食$165 可以揀三款肉，我哋就揀咗兩款牛同埋一款豬五花肉，肉嘅質素絕對對得上個價錢。 跟餐仲包一碗牛肉雞蛋拌飯，呢個價錢真係超值。 壽喜燒 $198 有別於一般傳統嘅壽喜燒，呢度唔會比一個pan你去燒，而係喺返燒肉嗰個網上面度燒，燒完就自己點醬汁食。 整體嚟講，我哋覺得呢個價錢有呢個質素已經好唔錯。 題外話，當日見到全部職員都係面無表情 （比西囗西面好一點點），雖然我哋冇受到不禮貌嘅對待，但都有少許影響食飯心情。 #韓式料理#韓國#假期推介#圍方#圍方美食#韓國燒烤