有特色又多選擇嘅火鍋放題

中間價嘅SRF美國極黑和牛片放題 $288，幾抵食，除左和牛之外，仲有鮑魚和象拔蚌可以任點任食，選擇豐富😍😍！ 仲見到原來午市係無限時4小時任食，勁抵👍🤭 湯底揀左個比較冷門少見嘅白玉苦瓜鳳梨豬骨，就係因為外間少有，所以要試下😝有少少苦瓜微甘，感覺唔會好熱氣😚 SRF美國極黑和牛片肉質嫩滑，牛肉香味濃郁，油花不算好多，不過咁都幾好，唔會咁快吃膩😆 封門柳係火鍋必食，呢度雖然無特別推介，但肉味香濃，好正🫰🏾 牛板腱比較有口感，幾款牛部位都各有特色同味道！ 海鮮類都有幾多選擇，如沙白、海蝦、水魷魚、蝦仁棒棒等，最正係連殼鮑魚同象拔蚌都有得任食😍😍新鮮彈牙有鮮味👍 外面還有大量的丸類，菜類可以自己夾，款式亦特別，例如丸類流心咸蛋黃丸，好似食緊個小型流沙包咁😋 又有台灣水蓮、冰菜、紫白菜等，呢啲都係坊間比較少見嘅選擇😍 值得一提係個海鴨蛋福袋 ~ 入面用麻糬包著咸蛋黃，好好味好特別😙 呢度甜品有大量不同雪糕揀，仲有個甜品櫃，種類相當多！食多幾杯Ｈaagen-Daz雪糕可能食回本！但眼見呢度好多出面少見嘅，又不訪一試😝😝 老虎堂雪條，珍珠奶茶味，中間夾住芝士味，又幾有奶蓋珍奶口味🤭 仲有呢個曲奇餅雪糕，台灣入口，幾好食🤩 仲要食埋呢度嘅芋圓糖水，又唔錯喎 ~ 😎 可惜真係太飽，試唔到珍珠奶茶，但聽在場啲人講係好味，下次要試下