以香港味為主題既港式鬼馬下午茶❣️

帝京酒店最近推出以香港味為主題既✨港式鬼馬下午茶✨精緻鹹點配經典香港美食造型既鬼馬甜點😍賣相精緻、玩味十足,打卡一流👏🏻👏🏻 ✨鹹點✨ 🥢蟹肉香芒酥 大廚花心思將長腳蟹及松葉蟹拆肉🦀再加以沙律醬調味,面頭再放上芒果🥭一啖食落,層次感豐富,酥脆酥盒包裹著鮮味蟹肉、香甜芒果肉,味道清新醒胃💖 🥢紐西蘭深海小龍蝦伴茄茸芥末洋蔥莎莎配脆多士 小龍蝦Scampi生長於紐西蘭與南極之間約200至500米深海🦞入口特別鮮嫩甜美,質感creamy富有彈性🌟配以鬆脆麥包多士及微酸茄茸芥末洋蔥莎莎,酥脆惹味,有驚喜🤩 🥢香煎黑椒吞拿魚配蘋果蓉 吞拿魚來自太平洋海域,用黑椒輕醃再煎香,入口微脆質感鮮嫩,健康有益又美味🐟與爽脆青瓜及青蘋果片同食🍏 加埋特別調配既蘋果蓉,酸爽微甜,令人胃口大開💡 🥢黑松露忌廉芝士牛油粟米餅 第一次食粟米餅,估唔到口感係咁特別😛食落鬆化,充滿香濃牛油香,夾雜忌廉芝士,重點係加入黑松露,散發淡淡特有幽香,氣味又唔會過於強烈而喧賓奪主,食材配搭得非常好👍🏻 🥢巴馬火腿露筍卷配意大利黑醋汁 鹹香軟腍巴馬火腿包著新鮮爽脆露筍,再配清香意大利黑醋汁,味道清爽怡人💋 ✨甜點✨ 🥢菠蘿油 - 脆皮鳳梨酥伴熱情果忌廉 超可愛既迷你菠蘿油其實係鳳梨酥🍍特別選用菲律賓鳳梨,先去皮起肉再炒成餡,頂層再加上一層菠蘿包皮,而中間夾著既「鮮牛油」原來係熱情果忌廉,像真度💯 外皮香酥,內餡酸甜滋味,仲可以食到絲絲鳳梨纖維,獨特口感相當平衡,甜而不膩,大愛 🥢絲襪奶茶 - 奶茶慕絲蛋糕 今日MVP係呢個造型神似既奶茶慕絲蛋糕🍰以朱古力完美呈現經典港式奶茶杯,打開蓋見到滿滿奶茶慕絲,切開後即流出如瀑布般既mousse,效果好震撼‼️中間有香滑牛奶布甸同香脆白朱古力脆脆,底層有英式紅茶手指餅🥖估唔到原來連杯蓋都食得,師傅真係好有創意又有心思 🥢豬腸粉 - 牛乳凍卷 間唔中口痕都會想食返碟豬腸粉,餅廚竟然將呢款港式地道小食化身成幾可亂真既甜品😳將3.6牛乳製成牛乳凍卷,面頭再加上花生醬同扮「甜醬」既紅桑子醬,食落真係好似食緊豬腸粉咁,真係好得意既體驗😝 🥢雞蛋仔 - 金沙奶黃酥 另一款我最愛既港式地道小食就係雞蛋仔❣️咬開原來係金沙奶黃酥🥮流沙內餡香濃軟滑,口味獨特,香酥又可口 ✨火焰雪山 ✨限定特飲 凍飲Passion Red 🧊 熱飲Ocean Blue💧

地址
帝京酒店
香港旺角太子道西193號
評分
5/5
👍
👍
下一篇載入中