生日寵寵自己~任食榴槤嘅日式放題

#祝大家生日快樂 極尚大喜屋 (旺角店) 📍旺角彌敦道625 & 639號雅蘭中心4樓 🥢$298 (17:30-19:30特價時段) 餐廳設好多座位，所以都坐得幾舒服，落單採用QR code 形式，此外仲設有自助區熟食同餐前小吃。飲品除咗有汽水同茶，仲有啤酒、梅酒、青酒等。自助落單嘅選擇包括有各款榴槤、刺身、壽司、凍蝦、長腳蟹、鮑魚、天婦羅、乳鴿、羊鞍、避風塘魷魚鬚、麻辣龍蝦仔、花膠、燒菠蘿、各類甜品、雪糕，絕對令人眼花繚亂！ 🥢燒金枕頭榴蓮 🆙 第一次食燒金枕頭榴蓮，上枱時熱辣辣，表面烤到有少少焦，效果出奇鮮甜同柔軟。除此之外仲有脆炸貓山王、榴蓮泡芙、榴蓮撻、榴槤布丁、榴槤雪糕、榴槤雪條，榴槤者愛好者淨係食榴槤已經值回票價，誠意推介😍！非常好食，仲要可以無限追加👍👍 🥢極尚椰皇燕窩燉蛋白🤩 聽到個名都勁啦！甜品必食之選係極尚椰皇燕窩燉蛋白，呢款椰皇燉燕窩嘅椰皇味十足，口感順滑，燕窩亦好足料👍🏻重點係蛋白香滑出色，非常養顏，放題可以食到咁出色的甜品，非常貴氣！ 🥢鮮蟹粥 粥底綿滑，入口鮮甜，蟹仲有蟹膏添呀🤩。 🥢香煎大虎蝦拌黑松露忌廉汁 虎蝦好大隻，麵條脆卜卜好有咬口，配埋黑松露忌廉汁意外地夾。 🥢海鮮 🉐 醉鮑魚非常鮮甜；花膠相當大塊，入口鮮味軟嫩，帶黏黏嘅口感，充滿骨膠原，必然之選。 🥢天婦羅 🆗 用金黃色粉漿包裹着，香脆可口。虎蝦鮮味彈牙，南瓜同日本甜薯仔外脆內軟，香甜可口😋。 🥢刺身 👍 擺盤精緻，刺身亦都幾新鮮，配上芥辣豉油令到刺身鮮味提升。厚切嘅三文魚、鯛魚刺身，魚脂豐沛，魚油甘香，鮮甜彈牙，口感一流。仲可以品嚐各種壽司，例如散發出啖啖牛油香氣嘅牛油帆立貝壽司同鮮味軟綿嘅鰻魚壽司。 🥢炸乳鴿皇🐥 大大隻，香脆可口，即點即製，所以叫皇牌係名不虛傳的，有骨香，有肉汁，又熱辣辣，非常好食！ 當然唔少得超級無敵正哈根大師免費任吃啦！ 食得好飽啊，而且又高質、性價比高，大讚👍👍👍好味😋😋