#馬鞍山中菜 泮利居

🌟餐廳：泮利居 📍地址：馬鞍山烏溪沙路8號迎海薈地下3A號舖 💰價位：$101-200 ⏰營業時間：星期一至日08:00 - 16:00/18:00 - 21:30 📱電話：26395066 同事知我鍾意食潮州菜，今晚帶左我去馬鞍山新開主打新舊融合潮州菜既「泮利居」，兩個人撐枱腳，輕輕鬆鬆歎返餐DINNER～ ——————————————————— 🔹 菜甫肉碎煎蛋 傳統潮州菜式菜脯肉碎煎蛋，味道咸香，雞蛋餅煎至外層香口，蛋味濃郁，加入肉碎及香脆菜脯粒，層次感十足！好有家的味道～ ——————————————————— 🔹 潮式炸芋蓉鴨件 估唔到呢啲款工序繁複又傳統嘅菜式，呢度都有得食！外層既芋蓉炸至香酥可口，更加入豆味濃郁既腐皮夾雜係鴨件及芋蓉之間，色香味俱全，令人回味無窮，好滿足～ ——————————————————— 🔹 紅燒乳鴿 紅燒乳鴿亦係我嘅至愛～呢度既乳鴿炸至香脆熱辣辣，肉身嫩滑多汁，令人食到津津有味～ ——————————————————— 🔹 潮式炒麵線 最後以一個傳統潮式家鄉炒麵線作結～麵質煙靭爽彈，配料加入蝦肉、魚肉皮、蛋絲及香蔥絲，夠哂豐富，食得好滋味～ ——————————————————— 😋味道：4/5 🏢環境：4/5 💁🏻‍♀️服務：4/5 💵價錢：4/5 🤟🏻性價比：4/5 ——————————————————— 呢間「泮利居」環境寬敞空間感十足，用餐氛圍舒適～ 食物方面，主打新舊融合嘅潮州菜，食物種類款式眾多，而且夠晒多元化，值得一試～ #泮利居 #馬鞍山美食 #香港美食 #香港中菜 #香港必吃