心思思想食海鮮，於是黎咗呢間喺銅鑼灣嘅財記食餐全海鮮宴，環境乾淨企理又有大排檔風味。 蒜蓉開邊蒸中蝦 $218(時價) 6隻大大隻海蝦開邊連蒜蓉粉絲一齊蒸，簡單嘅做法已經帶出哂海蝦嘅鮮味，海蝦肉質爽彈夠新鮮。 芝士焗鮮魷 $110 鮮魷件口感爽脆，外面包住一層薄薄嘅炸粉炸到金黃香脆，再淋上香濃芝士醬汁，夠哂滋味。 豉椒炒蜆 $98 蜆肉大粒飽滿，食落冇砂，每一隻蜆都吸收哂個豉椒醬汁嘅精華，非常之惹味。 財記海鮮炒飯 $98 炒飯鑊氣十足，米飯粒粒分明，金黃色嘅賣相見到已經流哂口水。炒飯入面有帶子粒、午餐肉粒、蝦米、椰菜等配料，而且加咗XO醬黎炒，辣辣哋，唔錯。 。 。 財記辣蟹私房菜 (銅鑼灣) 銅鑼灣駱克道447-449號中威商業大廈2-3樓 。 。