所有小菜同配料一齊爆炒過特別惹味，味道麻麻辣辣

😋麻辣香鍋 (旺角) 📍旺角砵蘭街198號地舖 🔹 招牌香鍋（ 香辣，小辣） 香鍋揀左五款小菜：小酥肉，牛舌，豬大腸，青尖椒，金針菇。所有小菜同配料一齊爆炒過特別惹味，味道麻麻辣辣，好過癮，用黎送飯食真係一流！最有驚喜就係牛舌，入口好嫩滑，估唔到用爆炒香鍋既方式去烹調都咁好食！！ ——————————————————— 🔹 鮮椒田雞 田雞肉質緊緻又新鮮，唔會食到騷味。用鮮青辣椒去炒，味道又幾清新，加上少少既辣味，令人忍唔住一件接一件～ ——————————————————— 🔹 涼拌黃金皮蛋 黃金皮蛋作為冷菜都好出色，涼拌既酸辣程度恰到好處，每一啖都非常開胃。皮蛋好彈牙，加埋底部既青瓜絲一齊食就有多重口感！ ——————————————————— 🔹 酸梅湯 食左咁多辣野飲返啖酸梅湯就啱曬啦，夠fresh又解辣！