上環阿根廷扒房午餐抵食又高質

阿根廷嘅烤肉/牛扒非常有名,黎咗上環呢間阿根廷菜,主打當然係食牛扒,呢到嘅牛扒喺午市套餐都食到,而且仲有哂肉眼、菲力、西冷同比較少食到嘅側腹膜橫肌。套餐除咗主菜,仲有前菜、配菜同飲品跟埋,都算豐富。 兩款前菜我哋揀咗店員推介充滿阿根廷傳統特色嘅牛肉餡餅同豬肉腸。牛肉餡餅外皮鬆脆,入面充滿牛肉粒餡料同肉汁,加埋個醬汁食落辣辣哋,好開胃。阿根廷豬肉腸烤得好香,肉質彈牙,配埋個阿根廷青醬就更加惹味。 10 oz 肉眼牛扒 肉眼扒厚身,份量十足,牛扒四邊煎封完全鎖住肉汁,雖然係叫medium rare,但都唔會好多血水,牛扒肉味濃郁。 10 oz 西冷牛扒 至於另一份西冷,外面煎到焦脆,切開肉質粉嫩,入口腍身,食落同樣係充滿肉汁。 配菜就揀咗薯條同香炒蘑菇。薯條夠脆,加咗蒜同香芹調味,非常香口。蘑菇就同蒜、洋蔥等配料一齊炒,仲好香牛油味。 套餐仲包餐飲,除咗汽水之外,都可以加錢轉咖啡、啤酒、紅白酒等。 Churros (+$38) 我哋另外仲加咗份甜品,churros整得非常出色,外脆內軟糯嘅口感配埋焦糖牛奶醬,香甜可口。 。 。 The Grand Patagonia Argentinian Steak House (上環) 上環永樂街50號昌盛大廈3樓 。 。

平均消費
HK$0
地址
The Patagonia Argentinian Steak House
香港上環永樂街50號昌盛大廈3/F
評分
5/5
thanks
下一篇載入中