入店必叫 馳名白胡椒湯底

鰂魚涌怪獸大廈隔嚟有一間隱世嘅潮州粉麵檔，風格非常之復古懷舊😆 呢度有唔同嘅湯底可以選擇：白胡椒湯／清湯／麻辣湯底🌶️🍜 其中白胡椒湯底係呢度嘅招牌，出面嘅潮州粉麵檔呢家都好少有呢隻湯底😆 食物種類好多選擇✨： 🐷豬內臟類—豬潤／豬粉腸／豬大腸／豬肺／豬心／豬肚／豬耳／豬脷／豬肉青／豬肉丸 🐮牛—鮮牛柏葉／鮮牛肉／鮮牛脷 🦑墨魚—墨魚頭／墨魚丸 🥟餃類—魚皮餃／黑豚肉餃 🐟魚類—魚扎／魚蛋／魚片頭／鯪魚球 其他：紐西蘭羊片／潮洲珍珠蠔仔／爆汁牛肉餅／枝竹／紫菜 亦都可以配唔同嘅粉麵飯✨： 🍜粉麵—河粉／油麵／銀針粉 🥢撈—撈米／撈麵／撈針／撈河／撈飯 🍚其他：白飯 如果唔想跟粉麵飯，亦都可以只叫淨餸㗎！😉✨ 今次就揀咗✨： 魚蛋河 配白胡椒湯底($40) 一上菜就聞到好大陣胡椒味，飲落非常暖胃，但唔會太辣，啱晒呢家開始凍凍地，飲完個人成身即時暖晒！🔥❄️ 魚蛋都算幾爽口彈牙，魚味都算幾出🐠 河粉可以完整一條條夾上嚟唔會散晒，同埋都幾滑㗎👌 食魚蛋河當然要加埋個潮州辣椒油，可惜辣椒油味道一般，唔夠香喇😔 💡小貼士 千其唔好行咗入益發大廈入面，因為鋪位係位於益發大廈外圍🚫 沿英皇道見到東匯坊之後，入祐民街，見到116巴士站之後行前少少就到🚶‍♀️ 推薦指數：⭐️⭐️⭐️⭐️ 📍地址： 元朗合隆潮州粉麵 (益發大廈) 鰂魚涌英皇道1048-1056號益發大廈地下G35號舖  #元朗合隆潮州粉麵#潮州粉麵 #麵控 #美食分享 #食評 #香港美食 #香港飲食 #魚蛋粉 #美食 #foodie #熱門菜式 #美食分享  #攻略