超正原條刺身

餐廳環境裝修係以日式和風為主，非常有特式，店員服務態度十分親切友善 鮭魚牛油果沙律 面層嘅紫蘇花係食用花，牛油果🥑生熟程度剛剛好，口感香滑，三文魚配上三文魚籽，再點上紫蘇汁食，味道更提鮮 原條真鯛魚刺身 呢個必試，原條魚切開，魚皮燙灼過，更添口感，鯛魚刺身新鮮爽甜，點上酸汁食就更美味😋 剩下的魚骨會用黎煮湯，飲落又香又鮮甜 長野松茸地蛤汁 湯底超鮮甜，菘茸咬落清香，蜆肉大隻又新鮮，咬落去爆汁👍🏻 黃油牡蠣 每隻蠔都非常飽滿肥美，外層包著生粉煎到金黃色，味道充滿蠔味及海水嘅鹹香味，咬落十分juicy 雞肉漢堡串 蛋黃個色澤好靚，夠晒大隻，雞肉漢堡唔會過鹹，點上蛋黃汁真係超夾超滑 黑蒜拉麵 有好大塊豚肉，肉質嫩滑，拉麵食落彈牙，湯底香濃得黎又唔會過鹹，加埋溏心蛋，食落更滋味 #全民打卡企劃 📍浜滝地址:九龍城福佬村道59號地下A舖