我媽同我又去左姑婆屋企渡假幾日，慰勞下姑婆煮左幾日飯比我哋，一於請佢去佢屋企附近新派西式餐廳食飯 烤牛骨髓伴紅酒燴牛肋🍷 紅酒燴過嘅牛肋肉質腍易咬，牛⻣髓油香同微甜解油膩嘅紅洒醬汁配上法包多士，真係齒頰留香😋 煙吞拿魚腩薄餅🍕 餡料有火箭菜、吞腩魚腩、三文魚籽、流心蛋、芝士，加上用頂級高温石爐烤焗出香脆嘅餅底，口感豐富 龍蝦汁大蝦意粉🦐 大蝦爽口彈牙，濃郁Creamy嘅龍蝦汁均勻地掛上意粉，我都食咗一大碗 我阿媽鍾意食生蠔🦪，見到做緊優惠，單點一杯飲品加$158就可以享用六隻法國St. Martin生蠔所以另外再叫咗一杯朱古力奶昔 🍫 我阿媽話St. Martin生蠔比較細隻但味道層次豐富，入口除咗有海水鮮味，細味品嚐，仲體會到甜味同礦物味道，餘韻悠長 草莓奶昔🍓| 朱古力奶昔🍫 两杯都甜度適中，口感順滑，我就比較鍾意朱古力奶昔多啲，因為係用咗85%朱古力，陣陣濃郁朱古力衝擊味蕾😋 Purple Haze 🍸 用紅桑子蓉、檸檬、薑味汽水同蝶豆花而成嘅無酒精雞尾酒，漸變顏色打卡一流，味道對於我嚟講甜咗少少，都可以接受 餐廳職員好熱心同有禮貌，一坐低就比左顏色筆同填色紙我玩，不時詢問我哋用餐意見，係值得推薦嘅餐廳 CAFE DECO PIZZERIA (@cdpizzeria_hk) 📍地址：大圍車公廟路18號圍方2樓218號 #pizza#薄餅#生蠔#西餐#打卡美食 #大圍美食 #圍方