去嘅係將軍澳店，大圍旺角都有分店！正餐同甜品選擇都好多，例如窩夫、班戟、刨冰等。經Openrice訂位，晚市套餐85折優惠，其他時段就9折優惠。網上睇有關正餐嘅評論就褒貶不一，所以Christy 嚟嗰陣主要叫甜品🍮環境舒服乾淨，幾好坐，適合同朋友一齊享受Tea Time🫖 期間限定🍍台灣鳳梨窩夫 $75 見到100%台灣鳳梨使用😍Christy 即刻心心眼 菠蘿嚟講食落去係清甜嘅❌唔會死甜，處理菠蘿亦好好，厚度同汁肉都飽滿🤤 配雲呢拿雪糕、杏仁、糖漿 每日限量12份咋，可以try try佢 推薦指數：⭐️⭐️⭐️⭐️ 士多啤梨🍓鑄鐵鑊仔法式吐司 $68 吐司超級厚身，比市面上餐廳嘅吐司更加厚，一個人食都幾飽🫢表面塗左一浸蜜糖更好食，吐司邊焗得脆脆❤️～浸喺士多啤梨醬入面嘅吐司軟軟哋，有布甸液喺包入面，整體嚟講係熱辣辣同埋外脆內軟，另外加＄8可以要埋雪糕(雲呢拿/朱古力🍫) 推薦指數：⭐️⭐️⭐️⭐️ 🏝Ocio🏝 👉🏻將軍澳坑口重華路8號東港城2樓238號舖 👉🏻旺角煙廠街33號朗廷軒地下B舖 👉🏻大圍積存街74-76號地下A舖 🙋🏻‍♀️🙋🏻人均消費: $70-$150 🪄餐廳設加一服務費 #社群時間囊 #甜品