Mschichi-總有一樣岩你心水 紅茶冰室 地址: 觀塘駿業街56號中海日升中心地下 電話: 55322338 味道⭐️⭐️⭐️⭐️ 價錢 ⭐️⭐️⭐️⭐️ 服務 ⭐️⭐️⭐️⭐️ 回頭率 ⭐️⭐️⭐️⭐️⭐️ 之前同朋友傾開計， 佢最近迷上左茶餐廳之旅😆😆周圍去食唔同好食嘅茶餐廳。 今日我就經佢介紹之下嚟到呢間有好多間分店， 而每一間分店都有海量座位嘅茶餐廳！ 茶餐廳真係每一個香港人都食過嘅食店。種類又多又齊全， 無論早午晚餐定係下午茶諗唔到有乜嘢食都可以去茶餐廳食❤️❤️ 今次呢間紅茶冰室都唔例外， 我哋下午茶時間大約三點去到， 除咗早餐之外其他基本上都有齊。 包括左 泰式小食， 越南河粉， 豬扒包。雞脾， 雞翼， 沙律， 熱狗， 西多士， 菠蘿油 肉醬意粉， 燒味飯。魚湯泡飯…… 而我哋就咁啱預正下午茶時間2:30-6:00。 喺芸芸咁多美食當中， 我就揀咗必食嘅出爐蛋撻同埋芝士流心西多士😍😍 茶餐廳學麥o麥咁講最緊要有常餐 同特餐因為係全日供應。 我哋就叫咗朋友介紹嘅特餐。兩個人食三個餐真係卡路里嘅挑戰🫶🏻🫶🏻 大大滿足 😜😜 🌈招牌芝士流心西多士 $35 （跟餐） 本身西多士已經係激邪惡同埋好味嘅食物！ 加上有芝心流心， 見到個名已經係非叫不可！！ ！ 切開來睇， 上面西多士嘅麵包微微脆卜卜， 黃金色入邊有着濃濃嘅流心芝士， 流心嘅程度走未至於好水好流心嗰款， 而係有啲似芝心批厚厚實實各款。 🌈 出爐酥皮蛋撻（2件）$30 （跟餐） 蛋撻真係茶餐廳名物！ 佢都可以散叫每個$7。 都算係街坊價。 因為有時有啲蛋撻而家都買到差唔多$10 一個🥹🥹🥹 佢嘅但都要等成20分鐘， 因為真係被搶購得好快！ 一出爐就已經賣晒！ 我哋都好好彩， 坐低咗5分鐘已經有得食新鮮出爐嘅蛋撻啦😇😇 我都鍾意食酥皮蛋撻， 我老公就鍾意食撻皮。 但係我覺得佢啲酥皮好似燶咗少少， 我就覺得有少少苦味🥲同埋蛋漿都唔係真係咁香， 但勝在係夠新鮮同脆口。 🌈沙嗲牛肉公仔麵 配丹麥酥加火腿奄列 $55 （跟餐） 沙嗲牛肉公仔麵我一向都唔係心頭好， 不過我朋友介紹食， 我就試吓啦。佢嘅沙嗲汁好香濃， 稍為少少鹹咗啲， 不過佢嘅牛肉的確係滑牛！ 所以好軟熟香滑嘅🫰🏻👍🏻 公仔麵就正常口感啦👌🏻👌🏻 特別嘅係其他茶餐廳配多士都係牛油多士， 呢間紅茶冰室嘅多士， 專登為佢改名叫丹麥酥， 上面有厚厚嘅蜜糖， 再加上焙， 食落有啲食牛角包嘅感覺啊 🤭🤭 火腿奄列都做到基本嘅滑蛋， 但係牛奶雞蛋嘅甜味就失色咗少少啦 🙃 總括而言依間茶餐廳係達到水平以上嘅， 如果你想便飯食一間茶餐廳， 應該唔會令你失望。 但係你話好讚嘆味道咁未至於。不過佢仲有咁多咁多款嘅嘢食，我都一定會再嚟試吓佢其他嘅嘢食呀！ 尤其係魚湯飯都好吸引 🥰🥰🥰 #dessert #comfortfood #foodlover #hkfood #hkfoodie #foodie #foodiehk #hkfoodies #hkfoodblogger #hkblogger #hongkongfood #相機食先 #香港美食 #茶餐廳 #Mschichikitchen #港妻廚房 #mschichi #mschichi_觀塘 #社群生日快樂 想睇更多就Follow Mschichi_wifey  啦 ❤️ U Blog  https://blog.ulifestyle.com.hk/article/mschichi