開心的打邊爐午市放題

前排剛好去觀塘工作，出街食午餐閒閒地都要$50，60蚊🙈，但都要食野嫁，就行過岩就入啦！ 就見到$70全包的打邊爐，雖然天氣仲好熱，但見有冷氣就同同事試下伏唔伏🤣 一人一個邊爐，不用理對方點用，外觀又幾靚，岩哂打一打卡🤩 呢個價錢就冇期望有咩貴料啦！正常既豬牛雞，丸，餃子，蔬菜，麵都有，味道正常。 野飲大多都係茶類，有好多涼茶類，呢個我覺得算細心。 甜品就有啫喱同涼粉，但同事發現可以倒既淡奶到左期😅，所以要留意下。 整體想同人平平食下野，傾下計可以來一試，員工都好好人