新派人氣手工粵式點心🥟

新派人氣手工粵式點心 第二朝早上再試另外一間粵式點心 - 匠傳，尼間新派茶樓主打手工現做粵式點心，最驚喜有戶外花園可以座，環境優美，鳥語花香，連飲茶都可以打卡，真係無得輸。 我哋係美團買咗4人餐，¥ 298 包四位茶茗 （原價¥364 有82 折），都幾多嘢食架，再散叫咗迷你糍粑油條點心，埋單都係¥400 左右，五個人，每人¥80，抵食。 美團套餐包括： 1️⃣匠傳参湯鮮蝦餃皇 2️⃣招牌流心陳皮红豆包 3️⃣百醬蒸鳳爪 4️⃣娥姐粉果 5️⃣蠔皇鮮竹卷 6️⃣XO醬炒蘿蔔糕 7️⃣香煎腐皮墨魚餅 8️⃣石磨腸粉 - 招牌叉燒腸 9️⃣XO醬炒陳村粉 🔟田園時蔬 - 白灼西生菜 最喜歡參湯鮮蝦餃皇，尼個係招牌點心，差不多枱枱都order ，食蝦餃前加入熱辣辣雞湯，参湯清甜，雞湯內有蟲草花，蝦餃餃皮軟糯煙韌，加埋有料蝦肉餡，好正。 流心陳皮红豆包有驚喜，平時多數係流心奶黃，尼個流心陳皮红豆包真係好正👍，好流心，很香紅豆沙味，味道不是太甜，包包又軟熟。 XO醬炒陳村粉同XO醬炒蘿蔔糕同樣出色，個人比較喜歡炒陳村粉，陳村粉好滑，炒得很香。 娥姐粉果，皮很軟糯，又多餡料。 香煎腐皮墨魚餅 - 煎得很香的腐皮墨魚餅，外脆內軟。 鳳爪，蠔皇鮮竹卷，叉燒腸味道出色。 迷你糍粑油條 - 糍粑釀在油條上，再灑上黑芝麻，幾有創意，好食😋，推薦大家試吓。 第一次來匠傳吃點心，個人覺得點心高質，又有創意，下次再試其他款式點心。 🔸匠傳（上梅林店）🔸 📍深圳市福田區中康路73-4號（上梅林站，B出口對面） ⏰周一到周五8:00-14:30，17:00-20:30 周末：8:00-20:30 #廣式茶點專門店#深圳攻略#深圳探店#深圳打卡#深圳美食#深圳飲茶#深圳遊#sheungzhen#hkfoodie#您去玩我找數#香氣四溢#打卡相我攞獎#Jackodailylife #深圳行程#深圳必去