中環超抵串燒🍢

#中環地膽 今次去九如坊最近新開嘅超抵食嘅串燒店 – 陀地燒🍢價錢竟然有$8串！ 餐牌上嘅其他食物都好鬼親民！大部份都係兩串起，係中環少見嘅抵食店之一！ 海鮮類 🦪陀地燒生蠔 $12生蠔性價比好高，面層有大量蒜蓉，提升左生蠔嘅香味！ 🦐虎蝦 $28配泰式醬，肉質夠新鮮彈牙！ 肉類 🥩燒牛肉 $18 ：牛肉串大大件，肉質較腍，牛肉味唔算太濃 🍖燒豬頸肉 $10 : 香口惹味油香滿溢！肉質帶點嚼勁！ 🥬蔬菜類 🍆蒜蓉燒茄子$30/ 翠玉瓜 $16 /蒜芯 $16/ 玉米 $16 /菠蘿 $16 巨型蒜蓉燒茄子超好食，燒得口感綿滑軟腍；翠玉瓜及蒜芯燒完都好夠水份，玉米好重牛油香！ 蜜糖燒菠蘿酸甜多汁，無得彈！ 其他類 🐟味淋魚乾 $38 / 年糕 $10 /鵪鶉蛋 $10 味淋魚乾燒得表皮香脆，內裡軟嫩，送酒一流！ 年糕口感煙煙韌韌～鵪鶉蛋蛋香惹味！ 🥬韮菜手抓餅 $20 /即炸有皮薯條 $20 燒得香脆嘅手抓餅，啖啖韮菜香，有皮薯條卜卜脆好好食！ 🥤飲品：點了咸檸七同可樂，冰冰涼涼好解渴！ 陀地燒 (中環) 📍中環九如坊6-10號林氏大廈地下C-D號舖 #中環地膽 (此文章由U Blog 同步發佈至社群)