半價酒店 lunch buffet

平時唔太特別鍾意食buffet，因為本身食得唔多，再加上覺得食物質素通常都係好普通，但有時咩都想食嘅時候就會想起食buffet😆。 話說有日喺 eatigo 個 apps 突然俾我見到呢度有半價，即刻諗都唔諗就book咗🤣。 正價$398+1， 半價連加一，每位約$240。 以lunch buffet嚟講其實佢款式都算多，而且味道都唔錯。 先講刺身，有三款可以選擇，分別係三文魚、鯛魚同埋吞拿魚，不過就唔算話特別鮮甜，而佢另外仲有少少卷物同埋刺身壽司。 冷盤就有火腿、沙律同埋芝士，種類都幾多。 熱盤方面，有三份一係燒味，另外有咖喱，天婦羅、串燒、拉麵、點心、燒牛肉同有少少小菜。 甜品都有好多款可以揀，其中雪糕都有成七、八個囗味，同埋而家做緊日本主題，佢有草餅同埋雪糕糯米糍，不過我就嫌雪糕有啲甜，但出奇地草餅嘅甜度竟然適中。 佢另外仲有好多款水果同埋咖啡、茶同汽水任拎，都真係幾豐富。 以lunch buffet 嚟講，呢個價錢、呢個食物質素同埋款式都幾抵食。 #自助餐#香港美食#北角美食#港島美食