👍🏻刺身 刺身嘅種類繁多，質素頗高，每一款刺身都相當厚切。比較罕見嘅深海池魚，魚味鮮香，肉質細緻；帆立貝清甜；牡丹蝦蝦肉爽彈微黏；日本直送拖羅顏色粉嫩，油脂較重；松葉蟹腳可以食得非常方便，而且淡淡海水嘅鹹香；另外仲有希靈魚、象拔蚌、油甘魚腩、虎蝦等等可供選擇。 點單方面，小編極力推薦大家試一試花雕醉鮑魚，酒味清醇，帶點桂花嘅花香，鮑魚浸得入味；鮑魚拖羅蓉海膽會更加係每張枱必點，拖羅蓉滿而不瀉，細細杯唔會好飽肚但又好啱打卡；一品花膠盛意外地出色，原片花膠，識落滿滿骨膠原，帶點爽彈嘅口感；清酒煮蜆原鍋而上，蜆肉飽滿。 👍🏻自助吧 自助區域少不了有冰鎮海鮮：大蝦、青口同樣新鮮，絕對可以滿足鍾意海鮮嘅粉絲，另一邊廂亦都放滿住煎炸嘅小食，日式餃子、保持住熱辣辣又香脆嘅狀態。當然唔少得小編最愛嘅甜品櫃，款式都幾多：馬卡龍、布丁燒、乳酪、布甸、奶凍，味道不過不失更加有自助雪糕同埋夾糖區，而杯裝雪糕方面亦都提供Movenpick，所以一定要留定個肚係自助區大掃一餐！ 除此之外，餐廳有一條隊專門拎海膽，日本直送皇帝蟹棒手卷，橘黃色的海膽，食落甘甜 ，即叫即包，連同紫菜嘅爽脆一啖食落去，令人回味 ，小編都排咗好幾次隊㗎(*¯︶¯*) 飲品 對比起一般嘅放題，呢度嘅飲品選擇可以話係更勝一籌。無論係可樂、茶類、果汁類、甚至酒精類同手搖飲品都非常齊全，真係飲飽食醉嘅一餐！