/ 吃得好才能生活得好 /

// 02 02 24 晴天🌞 14:00 尖沙咀 美麗華廣場 @mutarestaurant 「輕食風」 ——— 近年喺「香港」逐漸崛起，無論男士定女士都開始關注自身健康嘅問題，因此現時有好多餐廳亦增設咗生酮 / 低碳嘅餐單。 「輕食」呢個概念究竟又係嚟自邊度？ 原來「輕食」最初盛行於「歐洲」，當地意思指𝘊𝘰𝘧𝘧𝘦𝘦 𝘚𝘩𝘰𝘱內嘅小食或者餐廳裏面嘅快速熱食。 不過，後來傳到去「日本」，日本人就加入埋沙律、飯團、簡易便當等等…… 雖然「輕食」冇明確嘅學術定義，但有好多人都將佢視為低熱量、低卡路里嘅飲食，而煮餸嗰陣，仲會採取少油、少鹽、少調味料嘅做法。 所以，只要把握好「輕食」嘅重點，大家擁有一副靚靚嘅𝘣𝘰𝘥𝘺就指日可待啦！ 𖤐ˊ會有加一服務費 🔻壽喜燒牛肉蛋汁燉飯 HKD$178 ꕀ 牛肉食落去好香 肉質有咬口、唔嚡 同壽喜燒汁嘅甜甜哋 非常合襯 而𝘳𝘪𝘴𝘰𝘵𝘵𝘰本身奶香味濃 口感𝘤𝘳𝘦𝘢𝘮𝘺 加埋生雞蛋汁 簡直滑上加滑 另外再配以蒜片、洋蔥、黑椒做調味 味道層次顯得更加豐富 絕對係必食之選 🔻焦糖麥芽黑啤燉和牛面肉 HKD$238 ꕀ 和牛面肉經黑啤燉後 變得軟淋入味 由於呢個部位含有大量骨膠原 所以食起嚟無渣之餘 仲多一種微黏嘅質感 加上黑啤芬芳嘅麥香 令整體味道變得與眾不同 喺配菜方面 亦十分出色 裏面嘅蘿蔔粒同燈籠椒 都係又軟又多汁 🔻蜜柑雪葩·柚子蛋白霜·檸檬醬 HKD$88 ꕀ 冰涼幼滑嘅蜜柑雪葩 非常香甜 當中仲會有兩嚿新鮮嘅果肉 柚子蛋白霜 輕盈清脆 入口即化 而且自帶淡淡柚子嘅清香 再混合埋酸酸哋嘅檸檬醬 出嚟味道超𝘧𝘳𝘦𝘴𝘩 充滿夏日嘅感覺 🔻烤甜蕃薯拿鐵 HKD$58 ꕀ 滑順綿密 蕃薯味香甜濃厚 奶味突出 內裏更有大量軟綿嘅蕃薯粒 用嚟增強口感 係一杯特別兼且好正嘅熱飲 ꕀ #尖沙咀#美麗華廣場#mutarestaurant#MOMENTSwithUCreator#UCreatorHK#BESTFOODwithUCreator 🪴有興趣可以follow我嘅IG：Aria___.k https://instagram.com/aria___.k?igshid=OGQ5ZDc2ODk2ZA%3D%3D&utm_s