隱世omakase

西貢隱世omakase 食之劇場，帶比我無限驚喜 今次我品嘗嘅係食之劇場頂級omakase叫做《黃金の奧義》，而呢個黃金の奧義嘅精髓係料理長用金箔完全覆蓋係鹿兒島A4和牛上面，用上A4和牛因為黃牛體脂比A5少，食落口可以慢慢品嘗用味嘅香濃！ 除此之外，另一個黃金重點係料理長將金箔當成雪花散落係刺身上，令成件事非常奢華！ 話說回來，我好欣賞料理長製作嘅旬之刺身，除咗用黑松露勾出蝦嘅鮮味同埋，再加上海膽嘅新鮮已經係一絕！ 喺下面被煙燻過嘅藍旗拖羅，入口即溶之餘仲有種好似被火炙嘅感覺，但肉質上係完好！ 當然要讚下炸物，料理長用秋刀魚包住紫蘇葉做天婦羅，食落齒頰留香！ 依啲隱世餐廳大家唔去就走寶！