LIFETASTIC Bistro 2024/03/19

五顏六色七彩繽紛蛋糕🤭LIFETASTIC BISTRO 食Set Lunch

落雨濕濕嚟到POPCORN 唔知食咩好?經過LIFETASTIC BISTRO,被佢哋門外蛋糕櫃吸引住,每個五顏六色七彩繽紛嘅蛋糕都係由好多層堆疊而成,睇到我心心眼😍咁不如食個set lunch,順便食埋蛋糕,咁咪可以一石二鳥囉🙆 *set lunch包括餐湯、主菜同飲品,加40蚊仲可以自選一件蛋糕✔ 南瓜湯 餐前首先上一個餐湯,而是日餐湯係南瓜湯。奶香同南瓜嘅甜味融合,可以話係餐前嘅"甜品"!南瓜湯質感十分香醇絲滑,就好似融化咗嘅雪糕一樣,感覺啖啖都係營養🤭 帆立貝墨汁意大利飯 雖然墨汁意大利飯黑到好似發光咁,但此黑暗料理不同彼黑暗料理😹意大利飯入口綿軟濕潤,米飯粒粒飽滿而分明,濃郁入味嘅墨汁包住每粒意大利飯,配上大大粒鮮甜帆立貝,係鮮味嘅代表‼ 泰式冬蔭功大蜆意大利粉 作為一個超鍾意飲冬蔭功湯嘅人,發現呢款融合咗亞洲風味嘅意大利粉,試問又點能夠抗拒呢😎相比起泰國嘅冬蔭功味,呢款意大利粉味道相對比較溫和,無平時冬蔭功咁刺激禁酸辣,醬汁嘅份量亦啱啱好👍意粉比較粗身軟硬度剛剛好,食落幾有口感,加埋粒粒脹卜卜嘅蜆肉,整個配搭好出色😆 日本富士蘋果伯爵茶蛋糕 蛋糕濕潤綿密,清香怡人👀蛋糕頂層滿佈片片清甜可口嘅日本富士蘋果,蘋果果肉散發住清雅嘅果香,而伯爵茶忌廉嘅茶香餘韻悠長,細嚼品嚐會感受到細緻嘅佛手柑清香;底層就係蘋果洛神花啫喱,水果嘅芳香同花香及茶香混合交織,整體甜而不膩,係比較馥郁典雅嘅一款蛋糕🍎 芒果西瓜蛋糕 早前已經試過佢哋嘅草莓西瓜蛋糕,今次就試下佢哋嘅芒果西瓜蛋糕啦💁‍♀️芒果肉同西瓜以及蛋糕層層相疊,上層舖滿粒粒芒果肉,配合清爽多汁嘅西瓜,加上杏仁餅底,比起普通餅底會有種獨特嘅咬口,而且帶有淡淡堅果風味,整體好有層次感,好有驚喜💞 桂花釀鮮奶 鮮奶面撒上桂花,一口盡嚐桂花香,真係充滿"桂"氣呢👏不過佢唔係淨係得面頭做裝飾,而係每啖鮮奶入面都有桂花嘅香味喺度,所以桂花嘅香味好有存在感㗎!奶蓋嘅醇香、桂花嘅清甜、鮮奶嘅幼滑,一啖飲到曬唔同嘅層次😋 桂花西柚梳打 西柚味好突出,酸酸甜甜咁,而且帶有淡淡嘅桂花香,味道清新又開胃😌西柚特殊嘅香氣以及梳打水超爽嘅口感帶嚟一絲清涼,趕走春夏嘅濕燥熱🍃 #openrice #hkfoodie #hkfoodblog #純素蛋糕 #無麩質蛋糕 #生酮甜品 #生酮蛋糕 #每日新鮮製造 #LIFETASTIChk #健康蛋糕 #寵物蛋糕 #hkketocake #hkketo #ketohk #glutenfreehk #LIFETASTIC #PetiteCake #HKCakeshop (此文章由U Blog 同步發佈至社群)

地址
LIFETASTIC Bistro
Shop G19, 9 Tong Yin St, Tseung Kwan O, 香港
評分
5/5
😀
😀
下一篇載入中