全港唯一天燈🏮許願牆

呢間餐廳聽過好多次 有一幅全港唯一嘅許願天燈牆 今晚朋友生日卜左位 寫低願望打個卡 可以唔使再飛台灣啦🤩 ❣️晚市廚師發板十五品 $688 🥢前菜 熱辣辣啱啱煮好嘅雞串 串左雞肉🍗紅蘿蔔🥕筍 底部舖左紫蘇葉 雞肉嫩滑食落甜甜地 最後飲埋個湯 暖笠笠好舒服 🥢生蠔 未放生嘅處女蠔🦪雖然細細隻但就因為未放春嘅關係更加飽滿多汁蠔味香濃 配搭小小醋汁開胃易入口 🥢刺身五品 ✨拖羅 超粉嫩嘅顏色 入口即溶嘅口感 幾乎無筋 口感相當豐富😳 ✨北海道池魚 甘香細膩 厚切肥美不膩 散發淡淡香甜🤩 ✨銀鱈魚BB 嫩滑嘅BB🐟肉質放上黑松露籽 順滑油脂配搭味道強勁嘅黑松露更添層次 ✨金海老 軟綿綿嘅蝦肉放喺檸檬🍋面頭 清新味道減低黏液嘅排斥 ✨北海道海膽 來自海膽天堂🪽嘅海膽 深黃色嘅膽身味香甘甜 口感十分紮實 🥢煮物 用上5小時sake🍶泡浸 加入木耳海帶煮出嚟嘅日式汁煮鮑魚 相當入味腍身 🥢燒物 燒油甘魚魚餃 仲要切正🔪油脂最重最厚嘅位置 外皮焦香 肉質肥美嫩滑重魚油脂香 送酒一流 🥢壽司五品 ✨深海池魚王 放上蒜蓉恍似中日合壁嘅配搭 剩返少少壽司豉油已經好好味😋 ✨左口魚親子 左口魚配搭左口魚BB 將油而不膩嘅口感升級 double滿足 食完成個口腔都充滿香氣💨 ✨赤鯥 呢個係師傅唯一強調唔使點豉油就食得嘅一舊🍣添加蔥花柚子 非常清新 ✨鯖魚 煙燻製作 香蔥 薑蓉 芝麻 有啲似平時蒸魚嘅配搭🔥燒鯖魚就食得多 呢個都幾創新 ✨和牛 牛味重而且油花分布平均 入口慢慢滲透出嚟 難怪呢件要食最後😙 🥢吸物 濃到好似奶🥛咁嘅魚湯仲要無落味精飲落勁滑超香魚味 飲完成個身暖曬 🥢甜品 今日係豆腐味雪糕 成晚食咗咁多鮮味嘢 淡淡地fresh返下做結尾🍦好正 ❣️白雪淡麗清酒 13.5%濃度整體容易入口 微甜配搭各種新鮮刺身夠match😏 🍶除左係大廳度用餐 仲有各種包廂有氣氛得嚟又有私人空間 最低消費都只係$2000-$4000不等 - 🫧螢火 尖沙咀加連威老道96號希爾頓大廈LG樓1號舖

地址
螢火Hotarubi
202台灣基隆市義二2巷1號
評分
4/5
下一篇載入中