/ 用心的味道 /

// 20 11 23 晴天🌞 13:30 銅鑼灣 V Point @cheungkungkoon 食遍世界各地嘅菜式，阿爸、阿媽始終偏好粵菜同點心，可能因為舊時情懷，又或者可能因為口味合適。 之不過，現時好多點心都係工廠式嘅製作，有新意嘅已經買少見少，況且要遇到有質素，跟本就係難上加難。 「張公館」相信試過嘅朋友都會返唔到轉頭，因為餐廳無論喺用料、配襯同味道方面，都花咗大量心思。亦正係呢份嘅堅持，更加吸引咗無數食客，成為飲茶首選嘅好地方！ 𖤐ˊ會有加一服務費 🔻紅燒乳鴿 HKD$98 ꕀ 乳鴿嫩滑 入口皮脆肉香 而且唔騷 證明醃製過程掌握得十分之好 🔻張公館. 蝦餃皇 HKD$78 ꕀ 蝦餃外觀晶瑩通透 水晶表皮薄而煙韌 蝦仁餡料爽滑彈牙 食完之後覺得非常滿足 🔻脆脆笑哈哈 HKD$68 ꕀ 口感豐富 層次分明 紮實Q彈嘅鮮蝦 上面夾住脆卜卜嘅薄脆 之後再被滑捋捋嘅腸粉皮覆蓋 當蘸上甜豉油/辣椒醬 食起嚟就好似炸兩版嘅蝦腸，相當有趣 *推介必食之一 🔻翡翠明珠球 (3粒) HKD$58 ꕀ 內餡以菠菜做主調 當中混合適量蝦肉 再加上表面一層薄薄嘅竹笙外皮 即時令明珠球 增添無限爽口嘅質感 🔻酥皮菠蘿叉燒包 HKD$58 ꕀ 菠蘿皮做得輕盈酥脆、唔油膩 食落去有少少似墨西哥包 而柔軟嘅包身 除咗有叉燒粒內餡之外 更有真菠蘿粒做點綴 兩者味道極為合襯 每啖都會食到鹹甜交融 認真滋味 🔻杏汁豬肺湯 HKD$98 ꕀ 熱辣辣出爐嘅杏汁豬肺湯 揭開鍋蓋嗰陣 聞到陣陣杏香 飲起嚟感覺滑溜 另外豬肺唔腥 更帶有提鮮作用 飲完成個人都會好潤、好舒服 ꕀ #銅鑼灣#VPoint#張公館#點心 🪴有興趣可以follow我嘅IG：Aria___.k https://instagram.com/aria___.k?igshid=OGQ5ZDc2ODk2ZA%3D%3D&utm_source=qr