💕啖啖燕窩 米線一樣出色👍🏻

不時都會去啖啖燕窩買甜品食，而佢哋近日有新搞作，推出咗米線套餐，一於去試吓先 🍜澳洲牛小排牛丸米線 湯底揀配特濃蕃茄湯，味道濃郁好惹味，牛小排份量都好多，味道鮮美牛味濃，牛丸多汁有咬口，米線幼身亦掛汁，啖啖食到蕃茄湯 🍜麻辣花膠米線 之前食過佢哋嘅麻辣花膠小食已經好鍾意，索哂麻辣汁超好味，而且大大片好有口感，花膠滋補養顏，絕對係女士恩物 💗北海道 3.6牛奶燉雪燕 雪燕份量好足，基本上每啖都食到雪燕！配上北海道牛奶，奶味香濃，口感幼滑 💗黑糖桃膠奶凍燉蛋 層次分明，一打開蓋見到滿滿桃膠，黑糖汁甜而不膩，下兩層分別有奶凍同埋燉蛋，一次過食有三重口感，非常滿足 💓羅漢果金銀菊花茶 揀咗枝無糖冷泡茶，味道甘甘地，清熱解渴 🍴啖啖燕窩 (永顯工業大廈) 📍新蒲崗彩虹道226-228號永顯工業大廈地下C3號舖 #打卡相我攞獎#您去玩我找數#香氣四溢#春日賞櫻#素肌OK