<超夠鑊氣•大排檔> 成日都覺得熟食中心好多隱世美食,特別係大排檔就好啱呢度個氣氛🥳 黃金九肚魚 $128 平時就食開椒鹽九肚魚,今日就有黃金九肚魚!有好多鹹蛋黃碎係九肚魚上面,好香好重口味!不過佢又冇冚住魚嘅鮮味👍🏼啲魚超級嫩滑,好似bb皮膚一樣,入口即溶! 沙爹金菇肥牛煲 $108 份量比一般茶記大份,入面好多粉絲金菇同肥牛,竟然有幾個菠蘿添呀😍多咗份甜味!沙嗲味道香濃!佢用一個煲去上,上嘅時候仲係熱辣辣好多卜卜係面,超啱打卡!! 菠蘿拔絲咕嚕肉 $98 呢個咕嚕肉,簡直係我全晚最鍾意食嘅一個小菜!唔知佢係用乜嘢肉去做咕嚕肉,肉質好爽口,而且唔會好厚粉!或者好多骨,啖啖肉😍仲要見到佢真係拔絲㗎!!味道非常之好🥹講完又流口水🤣 西蘭花炒象拔蚌片 $128 象拔蚌份量都算多!絕對係上菜之選!西蘭花唔會炒到林晒,而且有鑊氣!好食!! Overall,呢間啲份量好多!!性價比都好高😌 值得encore 👍🏼 =================== 新肥泉海鮮大排檔 (佐敦) 佐敦寶靈街17號官涌市政大廈2樓熟食中心 ===================

平均消費
HK$200
地址
新肥泉海鮮大排檔
香港佐敦寶靈街17號官涌市政大廈熟食中心2樓
評分
5/5
下一篇載入中