《尖沙咀新店 韓印紅旗下首間韓國餐廳🇰🇷》 韓印紅喺尖沙咀開咗佢哋第一間韓國餐廳 @jjang_kfood，賣韓國人蔘起家嘅佢哋將鮮蔘加入餐廳菜式，唔少食材都來自韓國🇰🇷，老闆娘都係正宗韓國人。 . 📍長腳紅蟹白蜆海鮮匯($680+$98 八爪魚） 𝗝𝗝𝗔𝗡𝗚 𝗦𝗲𝗮𝗳𝗼𝗼𝗱 𝗣𝗼𝘁 海鮮鍋有齊蟹🦀、鮑魚、扇貝、蝦🦐、蜆、沙白，仲配有魚糕同蔬菜🥬，我哋仲加錢點咗隻新鮮八爪魚🐙。個鍋真係打卡一流! 八爪魚喺韓國飛機貨✈️，食落好新鮮。 除咗長腳蟹冇乜肉食之外，其他海鮮都唔錯，蜆嘅份量超多，建議一次過食唔晒都要拎咗出嚟先，唔係就會煮到老咗。魚糕同蔬菜吸收左鮮味嘅湯底好好食，不過計落價錢真係有啲貴。 . 📍紫蘇油拌蕎麥麵（$98） 𝗣𝗲𝗿𝗶𝗹𝗹𝗮 𝗢𝗶𝗹 𝗕𝗶𝗯𝗶𝗺-𝗕𝘂𝗰𝗸𝘄𝗵𝗲𝗮𝘁 𝗡𝗼𝗼𝗱𝗹𝗲𝘀 第一次食紫蘇油拌麵🍜，估唔到比平日嘅冷麵更加好食😝 彈牙幼滑嘅蕎麥麵撈埋紫蘇油、紫菜、蛋絲、醃酸蘿蔔，食落清爽又開胃🙌🏻 . 📍炸魷魚鮮蔘（$118） 𝗙𝗿𝗶𝗲𝗱 𝗦𝗾𝘂𝗶𝗱 & 𝗚𝗶𝗻𝘀𝗲𝗻𝗴 手掌咁大條嘅炸鮮蔘真係第一次食🤘🏻 原條鮮蔘味道冇想像中咁苦澀，只係有少許回甘。點埋旁邊嘅蜜糖更好食👍🏻，有驚喜～ 炸珍寶魷魚肉質鮮嫩彈牙🦑，價錢都幾抵食❣️ . 海陸空 (尖沙咀) 尖沙咀金馬倫道33號The Cameron地舖 . #社群時間囊 #Grassrootseaters #Hkfood #草根食在尖沙咀 #尖沙咀美食 #尖沙咀 #草根食韓國菜 #韓國菜 #香港美食 #香港 #Hk #Foodie #seafood #海鮮拼盤 #海鮮 #韓印紅 #人蔘 #Crab #koreanfood #octopus