美味泰國餐

是日去了旺角通菜街食lunch，見到這間泰國餐廳。門外貼著「試業中」，見到lunch set $68送冬龍眼茶，覺得價錢唔貴，所以同先生入去試下。 餐廳裝修都幾別緻，播放泰國音樂，幾有身在泰國的感覺！Lunch set 有大概8個選擇，我們點了泰式豬手飯和黃咖喱牛腩飯。這裡是自己scan QR code 落order， 唔難，好方便。 過了一陣就上做兩杯凍龍眼茶，甜甜地好好飲！ 隨後上了豬手飯，賣相很靚、不過白飯竟然係凍冰冰的！我們覺得好奇怪，即刻問員工點解。員工馬上道歉然後捧回廚房。過了一陣捧回一碟熱辣辣的豬手飯，話廚房重新整過。 豬手飯係真心好味道！好少食到這樣鬆軟的豬手，不油膩，不會太乾同鹹。 黃咖喱牛腩也非常好味道，個人覺得如果再可以辣一點就perfect啦！ 除了之前的凍飯事件之外，我們對這次的午餐都覺得很滿意。埋單時經理主動俾了九折優惠，為凍飯事件道歉。 這間泰國餐廳值得一試，我們下次會再去幫襯，試下其他菜式！