香港首間Mofusand期間限定聯乘Cafe🐾😍

近期熱爆全城嘅日本人氣插畫角色Mofusand首次聯乘香港Cafe 推出期間限定食品同精品！😍😍😍聽到都興奮，即刻去朝聖下先🐈 【明太子忌廉芝士蛋包飯】($108）🧀 話明打卡Cafe，賣相梗係得架啦！大大個貓掌印喺上面🐾即刻影返張相先📸味道方面，明太子都幾夠味，唔會得個樣食個空虛先，芝士同蛋都Mix得唔錯🐣但敗筆係飯質地偏淋同黏🥺 【熱抹茶拿鐵】（$88）🍵 原本以為打卡Cafe都係有得打卡就叫收貨，估唔到呢杯抹茶好濃喎！一啲都唔Hea👍🏻作為抹茶控嘅我都收貨！😎只要人均消費滿$150就可以將餐飲嘅相關贈品帶走，而熱飲就係送陶瓷杯，真係幾抵！🐱溫馨提示，店員只會比個紙盒你方便帶走，係唔會幫你洗嘅，你可以選擇去附近嘅洗手間沖洗，或者用紙巾包好再放入盒返屋企洗😉 【日本直送白桃梳乎厘班戟】（$128）🍑 話明梳乎厘班戟，都唔好Expect佢太鬆化、入口即融啦，質地介乎於梳乎厘同熱香餅之間，軟硬適中，都幾得意嘅🤔班戟用日本蛋製造，味道濃郁👍🏻水果就唔係好食得出幾鮮甜，可能因為糖漿影響🫣但Cream就好有驚喜！啖啖桃味喺口腔徘徊🤤聽講每份甜品都用咗一整個桃製造架🥰 除咗限定嘅食品同贈品，場內都設有其他精品發售✨無貨嘅都可以預約💁🏽‍♀️唔洗驚比人搶曬！ 如果去完Cafe都係覺得唔夠，可以去埋附近朗豪坊嘅Niko-Niko，或者LOG-ON尋找更多Mofusand嘅精品😍咁就一定唔會兩手空空返屋企啦🤩🤭鍾意呢班治愈系貓貓嘅你，仲唔快啲帶你嘅貓貓嚟打卡？🥰去到10月8號架咋！ 綜合評價（5分滿分）： 食物質素：🐱🐱🐱 打卡指數：🐱🐱🐱🐱 環境：🐱🐱🐱 性價比：🐱🐱🐱 📍山下菓子 旺角彌敦道700號T.O.P This is Our Place 3樓315號舖 📍Niko-Niko 旺角朗豪坊6樓12號舖 📍 LOG-ON 旺角朗豪坊6樓01及23號舖 #熱門菜式 #打卡熱點 #打卡餐廳 #甜品 #日式料理 #旺角 #旺角美食 #TOP商場 #山下菓子 #貓 #插畫 #Mofusand #期間限定