2023/01/17

就黎又到新年,諗住預先同朋友去食個開年飯應下節。咁岩就見到莆田多間分店宜家就推出左 鴻運套餐 2人/4人/6人/8人/10人,仲混合左新加坡既特色味道,連最新開幕既尖沙咀海港城店都有得食呀。新春團年做節真係岩哂! 我地今次人少少就叫左個新春鴻運2人餐喇 $998。估唔到都相當豐富喎。 鴻運發財鮑魚撈起 撈起 寓意風生水起,非常好意頭!店員一邊幫手整合同撈起12種福建傳統食材,一邊講新年恭賀說話,真係唔錯。成個菜色色彩繽紛,味道酸酸甜甜又開胃。 盤滿缽滿鮑魚大蝦盆菜 新年當然唔少得盆菜,估唔到二人餐呢個盆菜都相當豐富。食材有海參,鮑魚,瑤柱,燒肉,花膠,海發菜,大蝦,豬手,雞翼,蟶乾,花菇,芋頭,福州魚丸。配料非常多又煮到入哂味,真係盤滿缽滿! 蘆筍XO醬帶子 帶子份量都幾多,充滿鮮味,蘆筍炒得好爽脆!配埋微辣既XO醬,好惹味呀! 黑蒜番鴨湯 一人一盅燉湯熱辣辣岩哂宜家既天氣!湯頭黑蒜味濃郁又香又唔油膩,入邊仲有好多鴨肉,十分足料! 媽祖平安麵 平安面有福建人傳統祈求全家平安既一個意頭。呢個平安麵份量比想像中多好多。麵質好幼滑,配上香濃又鮮甜既魚湯,仲有配料例如紫菜,豆腐皮,蝦,雞蛋,香菇等等,十分好味道。 芋圓花生湯 第一次食花生湯,粒粒顏色繽紛既芋圓煙煙韌韌。花生熬成既白湯微微香甜,充滿花生既味道,仲有粒粒花生食,又健康又特別! 。 。 莆田 (荃灣廣場) 荃灣大壩街4-30號荃灣廣場4樓416舖 。 。

平均消費
HK$0
評分
5/5
good
下一篇載入中