超可愛貓造型甜品

雖然雪月花已經結業 但佢嘅吸睛甜品 仍然令我難以忘懷 甜品售價相當進取 而且每人最低消費係一杯飲品 咁我哋就嗌咗2個甜品share 原味貓貓卷蛋（$68） 賣相真係好可愛😻 而好彩都唔算好細嚿 食落幾鬆軟 入面有大大嚿麻糬 質感係我食過嘅麻糬當中最厚實嘅 但又可以接受 食完都有啲飽肚感 紅莓醬麻糬和菓子伴梅酒味乳沫（$110） 呢個真係太貴啦 而且相當細份 完全係燒錢😂 不過味道就好特別 藍色嘅梅酒乳沫好重酒味 加埋麻糬同紅莓醬 口感好豐富 而呢個麻糬 對比起卷蛋入面嘅麻糬 質感就煙韌得多 總括嚟講 味道不錯 但價錢真係太貴 不過店員服務態度值得一讚 #吸睛甜品