漫天燈籠越南餐館

漫天燈籠越南餐館 喺銅鑼灣做嘢嗰陣，經過幾次呢間餐廳 見到上面啲燈籠好靚 今晚終於同老公入去食🥰 啱啱去完越南旅行 但係時間緊迫，竟然冇時間食越南河粉 所以去呢間餐廳補返數 我哋叫咗兩碗炒鮮牛肉湯河 原來炒過嘅牛肉比較煙靭 我都係比較鍾意食生熟牛肉多啲 但係老公就覺得好有口感 另外叫咗個香茅牛串伴秘制鹹蛋黄醬 通常見到鹹蛋黃醬都會忍唔住叫嚟試吓 個味道好得意，有啲鹹又有啲甜 感覺味道有少少似香港嘅臘腸 如果切開一片片會比較易入口 因為個味道都比較濃烈 老公大讚呢杯熱法式布蕾烏龍奶茶 好香好滑，值得試吓 熱荔枝北越養生VO茶 呢杯就普通啲 最後食埋個甜品鮮芒芭菲 頂層有新鮮芒果粒、蝴蝶酥丶小麥胚芽 椰子奶蓋，一路食落去會有原味寒天晶球、原味迷你麻糬，口感豐富，越食越有咬口 一層一層鮮芒果粒，最底仲有迷你蜂蜜蛋糕伴椰子奶蓋+鮮芒果粒，食完呢個芭菲就心滿意足喇！ 離開前去埋燈籠🏮位打卡先走🥰 Lúa 銅鑼灣東角道26號怡安大廈1樓13-15號舖及地下13-16號舖 #lúa #越南 #越南美食 #越南料理 #越南菜 #vitnam #vitnamesefood #全民打卡企劃 #hkfoodies #hkigers #foodieshk #foodblogger #topcitybiteshk #小夏美食情報 #美食圖鑑 #香港美食 #美食 #美食推薦 #銅鑼灣美食 #探店 #香港探店 #吃喝玩樂