銅鑼灣鬧市👑歐陸宮廷風法式西餐廳🍷Royal Inn

去完工展會就近近地去咗皇室堡搵食，發現一間歐陸宮廷風嘅新餐廳進駐，正門設置著一座巨型希臘式許願池配古典式嘅水晶吊燈，非常吸精亦華麗感十足🥰 餐廳空間感十足，埋邊嘅梳化位置配搭落地玻璃，直視維園景色，景觀一流🌳餐廳環境絕對稱得上酒店級數。 🍴法式芝士焗洋蔥湯 HKD88 洋蔥湯最頂部分係即焗芝士，入口煙韌，洋蔥湯🧅香氣撲鼻，每一啖都帶有滿滿洋蔥絲👍🏻 🍴招牌全日早餐 HKD138 不過不失嘅全日早餐，大大份，夠飽肚。 🍴燒三文魚香草茄汁手工戒指意粉 HKD168 手工戒指意粉煙韌，每一粒都好掛汁，三文魚亦好新鮮，入口嫩滑🐟 🍴法式大蒜磨菇忌廉烤雞 HKD238 💫推介一定要試👍🏻一出場已經被那滿滿嘅忌廉汁吸引住，既香又滑，濃而不膩。配搭煎得香口嘅烤雞，加入配菜大蒜🧄烤葱，磨菇作點綴令整碟菜式更上一層😋 🍴提拉米蘇 HKD68 Tiramisu賣相吸睛👀 mascaphone cheese打得棉滑， 但略甜，咖啡味不太突出。 總括來說，食物有質素，餐廳環境絕對達酒店級數，同朋友食飯，慶祝生日或紀念日亦是不錯選擇。 IG: mochaholic.w #世一草莓蛋糕#打卡美食#hkfoodie