再訪1968 bistro✨嘗試多款美食

呢間之前去過，但係遺憾地冇得試多啲野🥹今次就真係帶曬全家嚟食，目的就係試多啲！book咗晚市時段，去到基本上大部分客都係訂咗枱嘅～ 千島海鮮薄餅 Pizza話明係薄餅，就係要夠薄！佢啲批夠薄又夠脆係好加分，而且都足料，每一塊都有啖啖唔同海鮮😌 肉醬千層麵 本身冇乜期望，但係食落味道唔錯之餘仲非常熱辣辣，可惜嘅係一人一羹咁食就已經差唔多清曬🥹 和風烤雞薄餅 好特別嘅配搭，好似將日式丼飯放喺pizza上面，不過醬汁就鹹咗啲，應該係照燒汁嚟🤔 紅酒繪牛肉飯 醬汁Ok，飯係用日本珍珠米，加上牛肉鬆軟，整體口感唔錯 18oz 巨人T骨牛扒 真係巨型！隻碟應該有兩塊面咁大，可惜冇影低😭味道係Ok的，不過佢有唔少根位，而嗰啲部位都太韌了唔係好咬到🥲 仲有嗌咗香蒜蝦芝士忌廉汁意粉，賣相冇其他咁吸引，不過食落又真係齊曬香蒜芝士忌廉汁嘅味，不過不失～ 埋單都唔係好貴，所以值得繼續幫襯>< 🍝1968 Bistro 📍深水埗汝州街200號地舖 #攻略 #社群時間囊 #社群相聚 #生活足跡 #2023日常 #熱門菜式 #食咗先講 #香港美食 #打卡美食挑戰 #hkfoodie #西餐 #pizza