鑽石山【とんかつ専門店 宴美豚】人氣爆燈之日本過江龍吉列豚店

日本過江龍吉列專門店「とんかつ宴美豚」於鑽石山荷里活廣場開業有好一陣子, 標榜選用北海道「北海道四元豚」, 而且最近又新推出咗流心芝士同埋鍋物, 決定今日同丫爸去食返餐! 未夠六點到達餐廳, 可以順利安排入座, 不過未到晚上7點, 全餐廳已經爆滿, 人氣爆燈! 為全新MENU而來, 分別係兩個系列中各選一, 每款定食配有日本米飯、沙律、漬物、豚肉味噌湯、汽水 (+HK$28升級特飲), 同埋無限添加椰菜絲。 特飲都非常吸引, 忍不住升級了。 熱帶風情-雪糕菠蘿乳酸梳打: 菠蘿味濃郁, 甜酸有果香, 配上雲呢拿雪糕, 令口感順滑有淡淡雲呢拿。 深海炸彈-雪糕水晶啫喱乳酸梳打: 同樣加入了雲呢拿雪糕嘅乳酸梳打, 仲有些少有口感嘅啫喱增加層次。 上餐前店員先送上白芝麻給予自行磨碎, 新鮮即磨令白芝麻更有香氣。 【流心芝士吉列豬扒併大蝦定食】HK$168 幾件流心芝士吉列豬扒相當吸引, 用筷子稍微夾起, 能拉出芝士絲, 吉列皮入口鬆脆不油, 肉質軟嫩, 配合軟滑流心芝士, 淡淡芝士味亦不覺膩; 另一焦點當然係隻脤卜卜嘅吉列蝦, 吉列皮嘅香脆再加埋蝦嘅爽口實肉, 又是另一享受。呢款定食還包括了甜品, 有軟糯微甜糯米糍同埋水果。 順帶一提, 任何惠顧, 都可以加$28追加一件流心芝士吉列豬扒。 【吉列豬扒熱融芝士鍋】HK$148 鍋物上檯有少少火興住, 芝士慢慢熱溶滾起, 香脆厚切吉列豬扒沾上綿密同埋暖笠笠嘅芝士, 喜歡幾多芝士就沾幾多, 用以撈飯同樣一流! 【燒牛油帶子】HK$28/隻 大大粒帶子加上了大量蒜蓉, 非常香口惹味, 更有助提鮮。 とんかつ専門店 宴美豚 鑽石山龍蟠街3號荷里活廣場3樓320B號舖 . 其他平台: Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: https://blog.ulifestyle.com.hk/keresawong She.com: https://blog.she.com/keresawong/ 小紅書: https://www.xiaohongshu.com/user/profile/5b230759e8ac2b524de93a5e ESDlife: http://wow.esdlife.com/keresawong Weibo: http://weibo.com/keresawong #香港 #鑽石山 #鑽石山荷里活廣場明星廣場 #hongkong #美食推介 #香港人 #香港美食 #hkblogger #foodie #hkfoodie #美食分享 #香港必吃 #食評家 #香港食評 #鑽石山美食 #香港必食 #hk (此文章由U Blog 同步發佈至社群)