完美地域既30年歷史酒店🤍

今次有幸得到u lifestyle送出銅鑼灣富豪酒店一晚，借助今次機會分享一下酒店體驗🥰 銅鑼灣富豪酒店別具特色，有大約30年歷史，樹立喺銅鑼灣中心地帶，周圍有唔同嘅商場，例如皇室堡同SOGO。如果想周圍行吓，附近都有Donki同IKEA等等地方可以消磨時間，甚至乎行遠啲去到時代廣場就有更加多嘅選擇啦！👍🏻 然後酒店方面，頂層有個露天嘅靚靚打卡泳池，開放時間到夜晚六點，亦有一個不過不失嘅健身室，空間感大，非常舒適！😚 今次住嘅房間係喺28樓，非常高層，一覽銅鑼灣嘅景色，床褥軟硬適中，亦有提供四個枕頭。浴室分別有淋浴同浴缸嘅位置，可以俾我哋好好放鬆浸返個泡泡浴！🌹 另外一題，reception位置需要行到好入，同埋櫃檯比較細，當時服務嘅前台只有二至三人，星期六嘅等待時間都比較耐，等咗大概10至15分鐘，同埋擠滿大概20件上大大小小嘅行李。同埋隔籬就係上落車嘅位置，長期開住門，拎到reception check-in嘅位置有啲熱，好彩前台同事辦事效率非常高，只需要5分鐘就幫我哋完美咁安排咗一間好好嘅房間！🤍 總括而言，今次體驗非常開心而又舒服，期待下一次喺香港酒店嘅staycation！💃🏻 #chill#社群歎世界#隱世打卡點