新開昆明銅鍋米線 小食糍粑有驚喜🥢

最近見到好多人去咗呢間 我都係比佢個銅鍋吸引😂 晏就去到比想像中多人 好多放飯嘅人嚟食 米線湯底選擇都幾特別 除咗常見嘅酸麻辣 仲有番茄泡椒湯 椰子雞湯底咁 仲有好多平時啲米線舖冇賣嘅特色小食 🤍豬扒酸酸辣辣銅鍋米線($52) | Rating: 7.5/10 銅鍋上到枱好夠熱 望落勁多 但其實還好 老實講味道一般 個湯底冇咩記憶點 會話同嗰啲雲桂X嘅味道幾似 米線入口幼滑嘅 口感可以 另外幾鍾意配菜有木耳絲 米線其實7分 但個大大塊豬扒加0.5分 真係大塊到一個人食唔曬lol 重點係香口又唔乾! 🤍炸脆脆蝦膠豆卜($35) | Rating: 8.5/10 蝦膠釀入豆卜再拎去炸 每粒都幾飽滿 豆卜炸到超鬆化超香口 但又乾身! 完全冇放耐咗有啲位會過硬嘅口感 有附埋泰式辣醬 雖然同米線舖好唔夾😂 🤍爆漿紅糖糍粑($30) | Rating: 8.5/10 平時食開都係淋上去or比你點住嚟食 呢個整成流心我覺得先夠味🥹🥹 真係爆漿 佢冇呃人 紅糖比得好足 糍粑香甜軟糯 但梗係覺得差啲嘢咁 原來係黃豆粉!如果有埋佢我會比9分🥹 雖然以米線舖嚟講佢嘅米線冇咩過人之處 但小食確實係有自己特色同幾好食^^ 會為啲小食再encore 同嘗試下其他湯底嘅米線´・ω・` 講漏咗餐牌有個小bug位 本身我想食豬扒+麻辣湯 但喺”推介”嗰欄得豬扒+酸辣湯($52) 如果我想嗌麻辣湯只能夠以”自選米線”嗰到揀 但佢又最低要求兩個餸 啫焗住你要嗌多個餸先可以有呢個組合 通常啲米線舖都係餸同湯可以隨意配搭 “推介”嗰到嘅組合亦只係作參考 問咗店員話可唔可以轉湯底 佢話唔得 係呢下有啲無奈🌚 仲有其他小bug位但唔詳講了😂如果去嘅自己計好數啦😂 #hongkongfood#ricenoodles#foodporn#hongkongrestaurant#香港美食#旺角美食#九龍美食#香港好去處#香港食評#雲南米線#旺角米線#美食推薦#香港餐廳#米線關注組#米線控#旺角小店

地址
春城銅鍋米線
香港旺角砵蘭街175號
評分
4/5
Good
G
下一篇載入中