吉列三文魚嚟到丼丼屋

日式丼物專家丼丼屋推出近期喺日本大熱嘅吉列三文魚，三文魚丼飯平時就食得多，吉列三文魚真係未見過亦都未試過，今次食過覺得同吉列牛、吉列蝦嘅口感真係有分別，好特別嘅感覺 🔶吉列三文魚 配冷烏冬 餐點賣相好吸睛，三文魚魚柳真係非常厚切，係即叫即炸，外層炸衣炸得金黃色，鬆脆可口！三文魚肉保持半生熟狀態，橫切面呈現三文魚原有橙白間條紋路，保留原有口感同海洋鮮味，望見都流晒口水！配上他他醬、南蠻汁及三文魚籽，可以提升味道層次，整體感覺令人一試難忘，真係好特別！定食可以配飯或烏冬，我就揀咗冷烏冬，感覺更加日式，冷烏冬煙煙韌韌，口感彈牙，加入醬汁食特別開胃 吉列三文魚由即日起至5月21日喺全線丼丼屋同丼丼屋x鳥開聯乘店登場，有興趣快啲去試吓啦！ #打卡相我攞獎#春日賞櫻#香氣四溢