【荃灣】味道正常，未至於值得去排隊

荃灣基本上係我諗唔到食咩嘅時候就會去搵野食的地方，因為實在太多嘢食啦，可以話除咗你諗唔到之外，咩餐廳都有🤭 而依間新開左一段時間的泰國菜，每次夜晚去都超級多人，而且仲要冇得訂位，要等🤔所以今次就特意下午去試吓，咁就唔洗等位，可以即刻有位 手工無骨海南雞套餐 $78 推薦指數💥：🌝🌝🌝🌚🌚 份量都幾多，雞肉會有兩層；雞肉都算嫰滑，不過雞皮偏厚，湯就偏重味（因為轉左白飯，所以就唔知佢哋油飯如何） 街頭醉貓炒金邊粉 $98 推薦指數💥：🌝🌝🌚🌚🌚 份量不少，但是唔知係油落少咗定點，金邊粉全部黐埋一舊，食的時候很麻煩，而且都好影響口感😅雖然調味的確做得唔錯 然後加$48加多兩款小食： 椰香沙嗲雞肉串（2串） 推薦指數💥：🌝🌝🌝🌚🌚 雞肉串咬落比較乾，不過沙嗲醬剛好可以中和返，而且椰香味都幾濃，所以整體都不錯 街頭咖啡央多士 推薦指數💥：🌝🌝🌝🌚🌚 麵包都算烘得脆身，不是那種烘到乾晒，而是外脆內軟，牛油和咖央醬的比例也很好 元祖泰式奶茶（熱） 推薦指數💥：🌝🌝🌝🌚🌚 比平時奶茶的茶味淡身一點，相對上甜味就突出左 美式黑咖啡 推薦指數💥：🌝🌝🌚🌚🌚 就平時成日都會飲到嘅咖啡味，唔特別，正常水準 ✨整體來講，食物質素就正常水準，唔值得特登排隊去食，不過下午茶時間冇人排，也可以考慮去食個下午茶（見他們的甜品都幾吸引）座位都算闊落 📍摩登堂 地址💬：荃灣大壩街4-30號荃灣廣場3樓350-352號舖 #UCreatorHK#年輕肌gotcha#香港美食#社群有辦髮#打卡美食#荃灣美食