☠️東京毒毒展 （15/3/2024-24/11/2024）

本人為了加入社群創作有價企劃行列，決定運用自身的日文一級能力，致力為大家上網搜羅與日本景點有關的優惠情報，再在U Lifestyle 作出分享。務求讓大家慳得一蚊得一蚊，做旅遊精明消費達人! ———————— 平時我地見到啲毒物我地自己都馬上行開， 更唔好話要了解佢🙄 日本人話我地聽， 我地其實有機會維持安好的距離去了解毒毒生物。 呢個特別展覽又係喺Sunshine city果頭搞，同上次我介紹過個#Tenboupark都有連動。 去開果附近其實可以考慮去埋，去左水族館/其他sunshine city既景點（包括水族館、展望台 Tenboupark、天文館滿天、NAMJATOWN、古代東方博物館）憑佢地既飛尾買飛會有折架 。 好唔講錢住， 講下展覽詳情先 。 日期：15/3/2024-24/11/2024 時間： 平日10:00-19:00 ； 星期六、日、公眾假期、及20/7-1/9期間 10:00-2:00 地點：水族館 特別展会場 Rooftop of World Import Mart Building, Sunshine City,3-1 Higashi-Ikebukuro，Toshima-ku，Tokyo, 170-8630 喺展覽入面你可以仔細睇到各種各樣有毒既生物， 睇下毒毒係咪真係有樣睇？ 究竟佢有幾毒？ 有咩咁毒？ 視覺睇完你仲可以玩埋嗅覺， 人地用臭味毒液擊退敵人， 日本人將個臭味放入箱內， 你聞左係無毒既， 但你又敢唔敢聞先？ 日本人話就係覺得你地成日一聽到「毒」就覺得好恐怖， 會危害生命， 但長久以來生物們對毒毒不只是恐懼， 有時都會利用它 。 毒不只是用來攻擊或防衛， 日本人要帶你了解毒毒、 只有了解才可以令你免於驚怕 。 如果你想知道工作人員點樣照顧呢啲毒毒， 佢其實都有一個部份係會分享行業秘聞， 不過佢冇提有冇英文分享環節 。 想聽既朋友，可能要去到睇下啦 。 最後，睇完展覽當然有紀念品售賣區啦 。 佢啲紀念品個樣都幾毒下😂 不過我想話， 佢有一種入場門票係連埋毒毒樣波板糖， 我個人就唔建議啦，太大塊唔建議攝取咁多糖🫣 想知道更多日本新奇有趣既event記得關注我啦‼️你既關注為我帶來寫文章既動力🤝 ———————— 所有圖片來自官網（https://sunshinecity.jp/file/aquarium/modoku_kiwami/）。 ———————— 如果大家見到有咩優惠/活動，但因為日文而唔識睇，可以話我知，我可以繼續出POST 話俾大家知。 想知更多優惠/活動資訊，就FOLLOW 我俾D動力我啦! THANKS. #日本之旅#求好旅友#日本好去處#日本#日本食玩瞓#日本旅行#日本自由行#日本event#Event#東京#東京自由行#東京景點#東京攻略#東京旅行#動物#Sunshinecity#UCreator#景點