高質日式燒肉店

一向鍾情日式燒肉，YAKINIKU KAKURA係來自日本江龍燒肉店，提供多款靚牛選擇，食物質素非常高質！ 🔅大判燒！黑毛和牛西冷 配溫泉玉子 $178 大判燒係必食，可由店員幫手代燒，燒嘅時候好惹火，肉質淋身且牛味濃，油脂感極重，入口即溶，點埋蛋漿食好好食 🔅黑毛和牛裏腹小排 油花好靚，食起上嚟油脂味香濃，肉質軟淋，做到入口即化 🔅鹽味牛舌 牛舌肉質爽口，厚薄適中，加入檸檬汁更醒胃 🔅若雞雞脛柳 雞脛柳肉質有嚼勁，雞肉味濃郁，啖啖肉好juicy 🔅若雞雞腿 雞腿肉肉質滑溜，燒到雞皮帶脆，口感更豐富 🔅佐賀紫菜飯 面頭鋪滿紫菜絲，飯入面配埋有溫泉玉子同醬汁調味，配和牛食一流 🔅凱撒沙律 食燒肉鍾意配埋菜，沙律菜新鮮，醬汁都充足，正常發揮 🔅七味豆腐鍋 豆腐好香滑，仲配有豚肉、泡菜同蛋花，整體味道香濃，都幾惹味 🔅甜品 每位均附送杏仁豆腐同糯米糍雪糕，滿足的一餐 🍴YAKINIKU KAKURA 📍銅鑼灣謝斐道535號Tower 535 1樓101-102號舖 #全民打卡企劃#燒肉